Qeveria greke kërkon nga bankat uljen e tarifave për 12 kategori shërbimesh

Qeveria greke u ka kërkuar bankave lokale që të rishohin me ulje 12 kategori komisionesh që u ngarkohen klienteve për shërbime të ndryshme. 

P.sh tarifat për dërgesa parash përmes internetit apo mobile banking që shkojnë 4-5 euro, tërheqja e parave nga një bankomat i ndryshëm nga ai ku ke llogarinë që shkon diku te 2.5 euro, vlerësimi i aplikimit për hipotekat që shkon te 500 euro; të gjitha sipas ekzekutivit grek duhen rishkikuar. 
 
Për kreditë, vlerësimi i një kërkesë për kredi shkon 50 euro, lëshimi i një deklarate bankare 20 euro, duke vijuar më tej me listën e shërbimeve të tjera. Kërkesa formalisht është bërë nga ministri i Financave Christos Staikouras që ka kërkuar heqjen e tarifës së remitancave gjithashtu.