Shashka serbe e revokimit të njohjes së Maqedonisë

Serbia do të tërheqë njohjen e Maqedonisë nëse kjo e fundit do të zyrtarizojë votën pro hyrjes së Kosovës në UNESCO. Lajmi bëhet i ditur nga mediat serbe, Vecernje Novosti, sipas të cilës autoritetet e Beogradit do të monitorojnë situatën dhe po përgatisin masat që do të ndërmarrin.

Bëhet fjalë për periudhën kohore të tanishme, pasi Prishtina ka të drejtë të riparaqesë kandidaturën një herë në dy vjet dhe herën e fundit, e provoi në vitin 2017.

“Beogradi mund të aktiviziojë parimin e reciprocitetit në marrëdhëniet diplomatike dhe politike me Shkupin qysh në fillim të vitit 2018. Sipas gazetës serbe Serbia mund të ndryshojë vendiin për njohjen e emrit të vendit fqinj, pra Maqedonisë, që aktualisht e njeh me emrin Republika e Maqedonisë.

Ky hap i Serbisë rrezikon në fakt të dalë një fiasko, nisur nga zhvillimet e fundit për zgjiedhjen e konfliktit të vjetër për emrin me Greqinë. Janë të gjitha të dhënat që çështja e emrit mes Maqedonisë dhe Greqisë do të zgjidhet së shpejti, dhe Shkupi zyrtar mund të ketë emrin e vet ndërkombëtar të njohur. Nga kjo pikëpamje, çdo njohje e deritanishme nga të gjitha palët, do të rikonsiderohet për shkak të marrëveshjes eventuale mes Athinës dhe Shkupit. Çka e bën të pavend iniciativën diplomatike serbe.  

https://www.b92.net/eng/news/politics.php?yyyy=2017&mm=12&dd=14&nav_id=1...