Konsumatorët e mëdhenj dhe të mesëm, jashtë skemës së OSHEE-së. Do të gjejnë vetë burimin e furnizimit me energjisë

Qeveria shqiptare po mendon të lehtësojë barrën për Operatorin e Shpërndarjes së Energjisë, duke nxjerrë jashtë skemës së tarifimit normal konsumatorët e mëdhenj. Deri në fund të vitit 2016, konsumatorët 35 kv dhe 20 kv do të kenë dalë nga struktura e rregullt e pagesave. Lëvizja bazohet në ligjin për energjinë, i cili i jep mundësi qeverisë që të nxjerrë klientët e tensionit të mesëm dhe të lartë nga skema përgjegjëse e OShEE-së. “TemaTv” raporton se ndryshimi do të nisë që këtë vit dhe se konsumatorët që dalin jashtë skemës aktuale do të duhet të gjejnë vetë në treg burimin e furnizmit. Ky është ai që është quajtur shpesh liberalizim i tregut, ndonëse siç raporton televizioni në fjalë, qeveria e ndërmerr këtë masë “për të lehtësuar OSHEE-në që është e zhytur në borxhe si pasojë e detyrimit për të furnizuar konsumatorë të kësaj kategorie”.