Lezhe

Edi Rama ka premtuar se nuk do t’u ndahet gjyqtarëve që shfuqizuan burgimin e përjetshëm për Dritan Dajtin. I pyetur nga një qytetar në Lezhë ai tha se dënimi me 25 vjet i njeriut që vrau 4 policë është një akt kriminal sepse jo vetëm e liruan autorin por i rivranë katër viktimat.

“Nuk do ti ndahemi kësaj çështje dhe këtë vendimi do ta bëjmë duke bërë të gjithë presionin e nevojshme, edhe para gjykatës, besoj se nuk t’ia dalin kaq lehtë. Këta lloj gjykatësish dhe prokurorësh janë si tumore, dhe i keni parë sesi vetingu po i largon të gjithë një nga një”-tha Rama.

Ka kohë që propaganda përdoret për të mbuluar “pisllëqet” e pushtetit edhe në çështje që janë konsideruar si arritje madhore të kësaj qeverie. Vetë kryeministri shëtit fshat më fshat me një mikrofon në dorë duke u vënë festen hallexhinjve që marrin në dorë nga një tapi legalizimi të shoqëruar me limonadat elektorale të kryetarit të Aleancës për Shqipërinë Europiane. Me hapjen e platformës televizive personale ERTV, Edi Rama është kujdesur që në publik të dalë vetëm retorika e tij për çka po bën qeveria.

Një vendim i qeverisë Berisha që nuk u kthye asnjëherë në një investim konkret dhe që u përdor nga ish-kryebashkiaku i Lezhës, Viktor Tushe si premtim për rilindjen  e Lezhës, u zhbë me një vendim të qeverisë aktuale, nisur nga një propozim i ministrit të Financave Arben Ahmetaj. Bëhet fjalë për Parkun Industrial të Lezhës, shpallur me një vendim të 27 Janarit të vitit 2009 për dhënien e statusit të zonës ekonomike. Në realicionin shoqërues të vendimit thuhet se riaktivizimi i zonës së mësipërme nuk mund të vazhdojë, për shkak të problematikave të pronësisë së truallit.

Mbifaturimet nga OSSHE është një problematikë me të cilën po përballen qytetarët në disa qytete të vendit. Në sportelet e "Kujdesit ndaj Klientit"  në Lezhë adresohen çdo dite dhjetëra ankesa dhe sipas raportimeve,OSHEE ka vështirësi për dhënien e përgjigjeve. "Qytetarët thonë së kanë kontaktuar me faturistët, të cilët u kanë deklaruar se në skedarët e tyre kanë të regjistruar numrat realë të sahateve, por ato janë ndryshuar në qendër duke sjellë për pasojë mbifaturimet", raporton korrespondenti i "ABC News" në Lezhë.

Deputeti i dorëhequr menjeherë pas miratimit të ligjit për dekriminalizimin, Arben Ndoka ka marrë pjesë si përfaqësues i mazhorancës në prezantimin e prefektit të ri të qarkut të Lezhës, Eduart Ndreca. Opozita ka denoncuar daljen sërish në skenë të ish-deputetit socialist të dënuar në Itali për shfrytëzim prostitucioni.