ksenobotet

Nëse mendon për robot, e para gjë që imagjinon është një njësi metalike, që kontrollet elektronikisht. Por prof. Josh Bongard dhe skuadra e tij prej katër vjetësh po punojnë për ta ndryshuar këtë. Ksenobotët janë robotë në miniaturë, të përbërë nga qeliza të gjalla.

Po i qasemi robotikës në një mënyrë krejtësisht të ndryshme. Po i ndërtojmë nga komponentë që janë në vetvete makineri inteligjente fantastike.

Shkencëtarët amerikanë që krijuan robotët e parë të gjallë, thonë se këto forma të jetës, të njohura si ksenobotë, tani mund të riprodhohen.

Të formuara nga qelizat burimore të bretkosës afrikane me kthetra (Xenopus laevis) nga e cila kanë marrë emrin, ksenobotët janë më pak se një milimetër (0,04 inç) të gjerë. Këto gjallesa u zbuluan për herë të parë në vitin 2020 pasi eksperimentet treguan se ato mund të lëviznin, të punonin së bashku në grupe dhe të vetë-shëroheshin.