vjosa

Nëse ka një kulturë të përbashkët që depërton kufijtë shtetërorë në Ballkanin e Jugut, kjo është ajo e Vjosës. Një lum me ngarkesë mitologjike, historike, monumentale dhe etnologjike. Grekë, vllehë, shqiptarë, myslimanë e kristianë, helenë, romakë, e kryqtarë, janë aty të shenjuar në rrënojat anëlumore të një vije që ka përjetësuar një marrëdhënie kaq të larmishme dhe kaq unike.

I parë përgjithësisht në optikën e një lumi rajonal, brenda Shqipërisë së Jugut, identifikues i Toskërisë, Vjosa është padyshim shumë më tepër. Është një horizont i një historie që vazhdon.

Lexoni se çfarë thotë Ministrja e Turizmit dhe Mjedisit, Mirela Kumbaro sot:

Me pamjet magjepsëse të Vjosës në ditën e shpalljes Park Kombëtar, ORF – Österreichischer Rundfunk – media më e madhe në Austri i kushtoi së fundi këtë kronikë të gjatë gjithë përpjekjes sonë për ta ruajtur të paprekur dhe të bukur siç është, por edhe për ta promovuar ndërkombëtarisht modelin unik në Europë të një Parku Kombëtar të një Lumi të Egër

Lexoni statusin e sotshëm të kryeministrit Edi Rama!

Jehona e Vjosës tonë “Park Kombëtar” në mediat e mëdha të botës i ka dhënë një fuqi të re imazhit ndërkombëtar të Shqipërisë, si një vend me bukurira të pafundme dhe vetëdije qeverisëse për përgjegjësinë monumentale të mbrojtjes së mjedisit në kushtet kur planeti vuan ndryshimet dramatike klimatike

Shpallja e luginës së Vjosës, të vetmit lumë të egër në Europë park kombëtar, pak ditë më parë nga vetë ministri i Mjedisit dhe Turizmit Blendi Klosi, për përfqësuesit e ECOALBANIA është thjesht një lojë politike.

Drejtori i ECO ALB, Olsi Nora, ka thënë për MCN se po luhet me një çështje sensitive, pasi nuk po bëhet transparent ky vendim pas kalimit në këshillin e territorit.

Sot kryeministri i vendit, që përgjigjet për drejtimin ekzekutiv të vendit, ka përsëritur të njëjtën shfaqje që politika e këtij vendi vë në punë sa herë vetëpërfshihet në gjobitje reciproke. Një ditë më parë, presidenti i vendit, dominus Tomorri, u shfaq shumë i shqetësuar për Vjosën dhe luginën e  saj të cilën kërkoi ta shpallë Park Kombëtar.

Sot këtij shqetësimi, nxitoi t’i përgjigjet kryeministri, ky artist me vizione ditore dhe kalimtare që ka hedhur romuzin gjithë kuptim:

Presidenti Meta thotë se duhet të ndalohet ndërtimi i digave mbi Vjosë dhe zona të shpallet Park Kombëtar. I pranishëm në tryezën me temë “E ardhmja e Lumit Vjosa”, Meta tha se raportet për ndikimin mjedisor të HEC-eve përgatiten në tavolina me papërgjegjshmëri të plotë dhe në mënyrë të shpejtë. Meta solli si argument rastin e lumit të Valbonës.

Qeveria shqiptare nuk ka ndërmend të tërhiqet nga planet e saj për të lejuar ndërtimin e hidrocentraleve mbi lumin Vjosë, pavarësisht thirrjeve që vijnë nga organiztat mjedisore për ruajtje të ekosistemit. Kreu i Agjencisë së Zonave të Mbrojtura, Zamir Dedej, sjell si shembull Greqinë, nga ku buron lumi Vjosë.

HEC i parë është ndërtuar që në burim. Pra nëse do të shkosh në malet e Pindit, ku buron Vjosa, Greqia ka bërë digën që në burimet e saj. Ka bërë një liqen dhe e shfrytëzon atë për hidrocentral   

Komiteti i Përhershëm i Konventës në Bern bën thirrje për pezullimin e punës për HEC-et e parashikuara për t’u ndërtuar mbi lumin Vjosë, në Poçem dhe Kalivaç. Gjatë mbledhjes vjetore të Komitetit të Përhershëm në Strasburg (3-6 dhjetor), Komiteti u bëri thirrje edhe një herë autoriteteve shqiptare të pezullojnë të gjitha përgatitjet në lidhje me dy projektet e hidrocentraleve - Kalivaç dhe Poçem – deri në përfundimin e vlerësimit strategjik të ndikimit në mjedis dhe atij social. Vjosa njihet si lumi i fundit i madh natyror në Evropë, duke përjashtuar Rusinë.

Një film i shkurtër i realizuar për Vjosën dhe burime ujore në Bosnje tregon përpjekjet për të ruajtur nga shkatërrimi ata që quhen lumejtë e fundit të virgjër në Europë. Një sinjal pozitiv që duhet shpresuar të mos shuhet. 

Kryeministrit Rama i ka mbërritur një letër nga Konfederata e Industrive  ku i kërkohet vendosja e një moratotiumi për ndërtimin e HEC-eve në Vjosë. “I konsiderojnë të papranueshme planet energjetike të HEC-eve në rrjedhën kryesore dhe anësore të lumit Vjosë dhe HEC-in e Kalivaçit. Kërkojmë një moratorium të HEC-eve në Vjosë, në mënyrë që të kryhen studime të reja gjithëpërfshirëse për vlefshmërinë ekonomike dhe mjedisore të hidrocentraleve nga aspekti i interesit publik afatgjatë”