vaksina kineze

Edhe pse ka vaksinuar me të dyja dozat pjesën më të madhe të popullsisë, Seychelles po përballet me rritjen e rasteve të reja, që e kanë detyruar të mbyllë shkollat ​​dhe të anulojë aktivitetet sportive për dy javë. Kurba e infeksioneve është aktualisht në nivelet e fundit të vitit 2020m në një kohë kur janë vaksinuar mbi 60% e popullsisë.

Arkipelagu i Oqeanit Indian, i cili ka një popullsi prej rreth 98 000 banorë, është kryesisht i varur nga turizmi, dhe ishte ndër të parët që nisi vaksinimet në janar, duke përdorur vaksinat kineze të dhuruara nga Emiratet e Bashkuara Arabe.

Në Emiratet e Bashkuara Arabe janë publikuar rezulatet e një studimi mbi efikasitetin e vaksinës kineze. Vendi ka filluar t’i prodhojë vetë vaksinat “Sinopharm”, për të cilën studiuesit thonë se dy javë pas dozës së dytë, te pacientët është konstatuar më shumë se 93 për qind efektivitet në parandalimin e shtrimit në spital në rast infeksioni, 95 për qind në shmangien e kujdesit intensiv dhe 100 për qind në parandalimin e vdekjes.

E kanë pagëzuar “paradoksi kilian”. Vendi në Amerikën e Jugut habiti botën për shpejtësinë e fushatës së vaksinimit masiv kundër koronavirusit: 4.6 milionë njerëz nga 18 milionë banorë që ka Kili kanë bërë dy doza të vaksinës, 7.2 milion kanë bërë vetëm njërën. Vetëm Izraeli, Emiratet e Bashkuara Arabe dhe Seychelles renditen para Kilit për fushatën e vaksinimit.

Të dhënat e dy kompanive kineze për efikasitetin e vaksinave Sinopharm dhe Sinovac përputhen me kriteret e Organizatës Botërore të Shëndetësisë.

Grupi Strategjik Këshillimor i Ekspertëve i OBSH-së (SAGE) pritet të publikojë rekomandime për dy vaksinat kineze deri në fund të prillit, tha kryetari i tij Alejandro Cravioto.