tamponi

Kreu i Partisë Demokratike, Lulzim Basha, mblodhi sot në një takim një grup mjekësh specialistë për të folur rreth situatës së krijuar nga pandemia.

Mjekët pranë PD analizuan disa aspekte të situatës së Covid-19, mes të cilave edhe diagnostikimi i rasteve me Covid-19. Për mjekun Lutfi Lisha, i cili duke iu drejtuar Bashës me “kryetar” e mori fjalën i pari, tamponët mbeten e vetmja metodë diagnostikimi.

Pas testimit serologjik, është vendosur që edhe realizimi i tamponeve të bëhet në spitalet private. Në një intervistë për TvT, shefja e epidemiologjisë në Institutin e Shëndetit Publik, Eugena Tomini, tha se në laboratorët privatë do të kenë mundësinë të bëjnë tamponin vetëm ata që u nevojitet për efekt dokumentacioni, ndërsa qytetarët që kanë shenja klinike janë të detyruar të paraqiten domosdoshmërisht në spitalet shtetërore.