Shqiperia

Marrëdhëniet mes Shqipërisë dhe Kosovës me ardhjen e qeverisë së re në Prishtinë, duket se do të ndërlikohen edhe më tej. Gazeta “Koha Ditore” shkruan sot se ideja e minishengenit ballkanik po lexohet si e dëmshme në Kosovë nga aktorë të ndryshëm mediatikë dhe politikë. Ndër personat që prononcohen është edhe Albulena Haxhiu e Lëvizjes Vetëvendosje, sipas së cilës qëndrimi I Shqipërisë e ka dëmtuar Kosovën. 

Franca e Emmanuel Macron i tha Jo Shqipërisë dhe Maqedonisë së Veriut. Me apo pa arsye të brendshme të saj, për çështje gjeopolitike apo jo, duhet të pranojmë se vendit tonë i është përplasur dera në fytyrë. Macron është treguar deri në fund francez: përtej vizioneve të veta kontinentale të cilat nuk po duket se japin gjëkundi fryte, ka kujtuar edhe se Shqipëria shpërdoroi besimin e Bashkimit Europian kur liberalizimin e vizave e shndërroi në mundësi për azilkërkim.

Ish-kryeministri socialist i Greqisë  George Papandreu ka shprehur hapur kundërshtinë e tij ndaj papajtueshmërisë që po tregon Bashkimi Europian me angazhimet që ka marrë  për Ballkanin Perëndimor.

Mesazhi i Papandreut i referohet bllokadës franceze të negociatave të pranimit me Maqedoninë Veriore dhe Shqipërinë.

Një ditë para samitit të liderëve të BE-së, Presidenti francez, Emmanuel Macron i parapriu bllokadës franceze për negociatat duke mos lenë asnjë ekuivok për ndonjë vendim pozitiv për Shqipërinë dhe Maqedoninë e Veriut.

 Pas një takimi me kancelaren Merkel ai tha se është shumë herët për të filluar negociatat e pranimit me Shqipërinë dhe Maqedoninë e Veriut por pranoi se të dy vendet kanë bërë përparime të rëndësishme në reformat e brendshme.

A janë vërtet shqiptarët dhe maqedonasit e  Veriut gati për fillimin e negociatave të pranimit? Pyetja iu bë, kreut të zyrës së Këshillit Evropian për Marrëdhëniet me Jashtë në Berlin, Josef Janning nga gazetari gjerman i Radio Deutschlandfunk.

Dhe përgjigjia ishte:

U mendua se ishte një rrokadë e organizuar në terren. Amerikanët dilnin jashtë sepse nuk dëshironin më të luftonin në Siri, turqit hynin brenda. Presidenti amerikan Donald Trump e mbrojti tërheqjen me faktin se SHBA nuk ka pse të angazhohet në luftëra të pafundme tribale që zhvillohen prej qindra vjetësh. Kur sapo u duk se pazari ishte mbyllur, plasi çështja kurde. Po me kurdët? Si mund të braktisen ata kaq kollaj?

Në datën 25 shtator 2019, Këshilli i Ministrave ka miratuar vendimin për Miratimin e Dokumentit të Rishikimit të Strategjisë së Mbrojtjes, që sipas përcaktimeve bazë

paraqet bazën e zhvillimit të kapaciteteve të ardhshme dhe madhësinë e Forcave të Armatosura, si dhe përparësitë për transformimin e mëtejshëm të tyre për arritjen e synimeve dhe objektivave të përcaktuar në dokumentet strategjike

Tani që Gjermania ka dhënë dritën jeshile për hapjen e negociatave të anëtarësimit me Shqipërinë problemi i z. Rama reduktohet shumë. Që këtej e tutje, kryeministri i Shqipërisë do ta ketë shumë të lehtë të menaxhojë sulmet e brendshme pasi në çdo rast i ka argumentet gati. Një vlerësim i Hollandës nuk peshon më shumë nga një vlerësim i Gjermanisë, vend që niset edhe nga konsiderata strategjike. 

Gjermania do të japë dritën jeshile për Maqedoninë e Veriut në tetor, kurse Shqipëria do të duhet të presë. Portali European Western Balkans citon një studies në Berlin, Bodo Weber, sipas të cilit Maqedonia e Veriut do të marrë një dritë jeshile të pakushtëzuar, kurse Shqipëria do të ketë kushtëzime përpara se të hapen negociatat.

Teza maqedonase se vlerësimi për integrimin duhet bërë sipas vendeve dhe jo në bllok ka fituar terren dhe me gjasë Bashkimi Europian do të ecë mbi këtë parim. Në një intervistë për Deutsche Welle, deputeti kristiandemokrat gjerman, Günther Krichbaum, shprehet se Maqedoni e Veriut mund të gjykohet më vete për negociatat.