shkoder

Është arrestuar sot në mbrëmje Sait Fishta, biznesmen dhe ish-kandidat i PS-së në zgjedhjet e fundit. Po kështu Fishta ka qenë më herët kandidat edhe me Lëvizjen Socialiste për Integrim.
Sot paradite mediat njoftuan se u vendos sekuestro preventive për 9 pallate në Velipojë, që ishin ndërtuar nga Fishta. Ndalimi është bërë me urdhër të prokurorisë në Shkodër.

http://www.m.lapsi.al/lajme/2016/02/07/arrestohet-sait-fishta-kandidati-...ër-deputet-në-shkodër#.VrfCCq-kqrU

Partia Demokratike vijon të denoncojë raste të përfshirjes së njerëzve me precdentë kriminalë në përfaqësimin e Partisë Socialiste. Në një deklaratë për shtyp sot, kreu i Departamentit të Rendit dhe Sigurisë në PD, Enkelejd Alibeaj, ka denoncuar rastin e degës socialiste në Shkodër. “Edi Rama po vazhdon paktin me krimin, duke inkriminuar të gjitha hapësirat që nuk i mbulon dot ligji. Ai ka emëruar në krye të Partisë Socialiste në Shkodër, një bandit të njohur, një autor vrasje.

4 ditë në pritje dhe 50 mijë lekë për të blerë radhën në shërbimin e kolaudimit të makinave në Shkodër. Top Channel raporton se për këtë arsye drejtuesve të automjeteve në Shkodër bllokuan një ditë më parë edhe rrugën nacionale Shkodër-Hani i Hotit por u hoqën me forcë prej për shkak të kalimit të eksortës së kryeministrit.

Do vinte dita që kryeministri mund të bëhej qesharak me përpjekjen e tij si kumbar i tolerancës fetare. Si një katolik i vetëdeklaruar, Rama gjeti rastin dje që të thoshte se kishte qenë prezent në meshën e parë më 4 nëntor të vitit 1990: "Rasti e deshi që unë të vij këtu sot si Kryeministër. Por, do të isha këtu sot edhe nëse nuk do të isha Kryeministër. Si njëri prej atyre 300 vetëve që në 4 nëntor të 25 viteve më parë kam qenë këtu. Kam qenë këtu bashkë me disa miq. Jemi nisur shumë herët me tren nga Tirana pasi na kishte mbërritur fjala që Dom Simoni i madh do të bënte një meshë.

Kryeministri i Shqipërisë Edi Rama, ka gjetur edhe njëherë rastin t’u kujtojë të gjithëve afrimitetin e tij me katolicizmin dhe atë që në Tiranë perceptohet si Perëndim. Këtu nuk kemi të bëjmë me një besimtar apo ndonjë njohës dhe admirues të doktrinës dhe historisë së kishës, por me një oportunist dhe demagog që me këtë rast nga Shkodra ku është përkujtuar mesazh e parë pas vitit 1967, ka shërbyer për veshët e njerëzve hartimin e radhës.

Kohët e lumtura kanë mbaruar mes PS-LSI në të gjitha nivelet. Ilustrimi më i ri, përtej këmbënguljeve së njëpasnjëshme të kryeministrit Rama se koalicioni shkon mirë, është votimi për anëtarët e Këshillit të Qarkut Shkodër dhe ai Gjirokastër. PS ka ndarë votat nga LSI dhe ka votuar kandidaturat e djathta dhe jo kandidaturat e LSI që pretendonin minimumi një anëtar në qark.

Kishte kohë që përflitej për një thyerje të raporteve mes Partisë Socialiste dhe Lëvizjes Socialiste për Integrim e në veçanti të dy bashkëkryetarëve të mazhorancës, Edi Rama e Ilir Meta dhe ku ka zë nuk është pa gjë.

Përfafaqësues të strukturave të Partisë Socialiste në Qarkun e Shkodrës kanë  kërkuar rishikimin e funksionimit të koalicionit me LSI-në në një  takimi të zhvilluar me dyer të mbyllura pasditen e së mërkurës në Shkodër, lidhur me analizën e zgjedhjeve të shkuara të 21 qershorit.

Para disa ditësh u raportua si arritje bllokimi i një sasie duhani nga tatimet dhe kompania “Crown Agents” në një punishte që realizonte prodhim të palegalizuar. Siç u tha u bllokuan rreth 5.5 ton, si dhe 48 140 paketa cigare të falsifikuara. Por qesharakja e këtij operacioni shfaqet sot nga një kronikë e “Ora News” që raporton se kjo sasi është lënë në mes të rrugës para Drejtorisë së Tatimeve në Shkodër. Të pyetur nga televizioni në fjalë, përfaqësues të doganave dhe tatimeve në Shkodër thonë “se nuk ka magazinë”. Mbetet vetëm që kjo kioskë gjethesh të legalizohet.

Me gjasë për shkak të rreshjeve, një masiv i madh guri është shembur në një prej rrugëve që të çon në kalanë e Rozafës në shkodër, raporton shqiptarja.com, sipas të cilës, gjatë gjithë ditës autoritetet nuk kanë patur asnjë informacion për ngjarjen e ndodhur. Një vështrim përreth mureve të Rozafatit tregon edhe pjesën nga ku është shkëputur guri i madh. Normalisht policia mund ta kishte bllokuar atë anë të rrugës deri në heqjen e masivit por një gjë e tillë nuk ka ndodhur.