sherbimi ushtarak

Në Britani, konservatorët premtojnë se do të rikthejnë shërbimin e detyrueshëm ushtarak. Plani në fjalë duket më shumë një përpjekje për të fituar votat që po shkojnë drejt Reformimit të Britanisë së Madhe dhe parashikon që çdo 18-vjeçar do të duhej të kalojë një periudhë kohe në ushtri ose një fundjavë në muaj si vullnetar i “rezistencës civile”.

Qeveria greke ka vendosur të zgjasë afatin e shërbimit ushtarak për shkak të tensioneve me Turqinë. Sipas mediave të ndryshme, duke nisur nga muaji maj i këtij viti, detyrimi ushtarak do të shkojë nga 9 muaj në 12 muaj, duke barazuar shërbimin ushtarak në ushtri me atë në marinë dhe flotë ajrore.

Presidenti serb, Aleksandër Vuçic, ka deklaruar sot se Serbia mund të rikthejë shërbimin e detyrueshëm ushtarak. Ai ka folur në një konferencë për shtyp pas një stërvitjeje të zhvilluar në aeroportin e Batanjicës, duke sqaruar se detyrimi ushtarak, nëse do të hyjë në fuqi, do të jetë nga 3 në 6 muaj. Sipas Vuçiç, kjo masë do të shërbejë për të parandaluar çdokënd që synon të kërcënojë Serbinë.