shendeti

AstraZeneca ishte njëra prej “armëve” të para me të cilat iu kundërpërgjigj pandemisë së Covid-19 industria farmaceutike. Vaksina përdori një adenovirus për të udhëzuar qelizat njerëzore të prodhojnë antitrupa kundër koronavirusit, duke shpëtuar me miliona jetë. Por paralelisht pati raportime për efekte anësore. Më vonë shifrat treguan se një në 50 000 të vaksinuar zhvilloi mpiksje gjaku.

Pankreasi artificial, një pajisje teknologjike e zhvilluar nga një ekip shkencor në Britani, pritet të optimizojë trajtimin e njerëzve me diabet të tipit 1. Pankreasi artificial përfshin algoritme moderne dhe ndërvepron me çdo përdorues individualisht, duke automatizuar procesin e matjes dhe marrjes së insulinës.

Cigarja elektronike u prezantua 20 vjet më parë si një alternativë më e shëndetshme e duhanit. Por ende sot, ka shumë pikëpyetje në lidhje me përbërësit e saj dhe efektet e tyre në shëndetin e njeriut.

Një studim i shkencëtarëve kinezë dhe atyre britanikë ka arritur në një konkluzion surprizues. Sikur të mos mjaftonte ndikimi negativ direkt në shëndetin e njeriut, ndotja e ajrit ndikon edhe në rezistencën ndaj antibiotikëve.

Sipas studiuesve të universitetit Zheijang dhe atij të Kembrixhit, ndotësit e vegjël të ajrit lidhen me një shkallë më të lartë të baktereve vdekjeprurëse rezistente ndaj ilaçeve.

Konkluzioni del nga monitorimi i të dhënave nga 116 vende për periudhën mes viteve 2000 dhe 2018.

Ka disa njerëz që u rezistojnë më mirë viteve që kalojnë dhe në moshë të thyer janë ende në formë të mirë fizike dhe mendërisht të kthjellët. Arsyet për këtë variojnë që nga gjenetika te personaliteti.

Një studim spanjoll, më i madhi i kësaj natyre, ka analizuar disa karakteristika që i veçojnë ata nga të moshuarit e tjerë.

Forma të ndryshme të lobimit të industrisë farmaceutike dhe asaj ushqimore kanë përcaktuar shpesh se sa do të ishte më pas shkalla e përdorimit të produkteve që ato prodhojnë. Vitin e fundit, suksesi i medikamentit "Ozempic", sidomos në tregun amerikan, ka habitur një pjesë të madhe të njerëzve, duke bërë në të njëjtën kohë që shumë të tjerë ta shihnin me dyshim.

Një tjetër aditiv pritet të hyjë në listën e përbërësve të rrezikshëm që gjenden në produktet industriale. Fjala është për aspartamin, një ëmbëlsues që përdoret në masë në produkte si Diet Coke, akulloret dhe çamçakëzat.

Njësoj si me duhanin dhe sheqeri, edhe efektet negative të substancave perfluoroalkil, të cilat grupohen në Pfas, janë mbajtur pothuajse sekret për vite me radhë. Kompanitë e mëdha prodhuese kanë fshehur të dhënat dhe kanë penguar studimet që nxirrnin në pah dëmin që shkaktojnë këta elementë.

Pas vitesh polemikash të nxehta, procesesh gjyqësore, librash e madje edhe filmash me të njëjtin përfundim: efekteve të dëmshme në shëndetin e njeriut, edhe studiuesit e pranojnë hapur.

Taurina shihet nga studiuesit si “eliksiri i jetës”. Kjo për shkak të efektit të saj pozitiv në jetëgjatësi dhe në shëndetin e një sërë speciesh shtazore..

Ekipi i studiuesve në Universitetin e Kolumbias, në Nju-Jork, ka analizuar molekulat në gjakun e specieve të ndryshme të kafshëve - për të eksploruar ndryshimet midis të rinjve dhe të moshuarve.

"Një nga molekulat më të degraduara në mënyrë dramatike ishte taurina", tha studiuesi Dr Vijay Yadav. Tek të moshuarit, nivelet ishin 80% më të ulëta se tek të rinjtë.

Dieta mesdhetare është gjithnjë e më pak e pranishme në tryezat italiane. Një zbulim i mjekut Ancel Benjamin Keys (1904-2004), kjo pasuri që përmbledh modelet ushqimore të disa vendeve të pellgut të Mesdheut, është njohur nga UNESCO dhe është përfshirë në listën e trashëgimive të njerëzimit në vitin 2010.