ricikluesit

Kryeministri vazhdon me luftën propagandistike për të bindur opinionin publik se ai po bën një betejë të sinqertë për të pastruar Shqipërinë dhe këtij objektivi i shërben sipas tij dhe miratimi i ligjit për importin e mbetjeve. Atë që kreu i qeverisë duhet ta kishte bërë me kohë, para se të kishte bërë fakt të kryer ligjin e mbetjeve, e bën si kofini pas të vjelave si për të thënë se qeveria ka një plan. Kryeministri mblodhi sërish ricikluesit dhe përfaqësues të bashkive për t' u thënë se duhet të bashkëveprojnë për të ndarë mbetjet në burim.

Shoqata e Rickluesve Shqiptare kërkon nga politika të mos e kthejnë nevojën për import të mbetjeve si lëndë të para në një betejë pa kuptim. Bardhyl Balteza kreu i kësaj shoqate në një intervistë për TemA TV thotë se politika po i keqpërdor këto biznese thjesht për interesa të ditës.