putin

Presidenti amerikan dhe ai rus do të ulen përballë njëri-tjetrit muajin e ardhshëm, takimi i parë i këtij niveli që prej zgjedhjes së Biden. Putin dhe homologu i tij amerikan do të takohen në Gjenevë, më 16 qershor, njoftoi Shtëpia e Bardhë.

Presidenti i Rusisë, Vladimir Putin, ka paralajmëruar Perëndimin që të mos kalojë atë që e quajti “vijë e kuqe” pasi një gjë e tillë do të provokonte një përgjigje “të ashpër, asimetrike dhe të shpejtë”.

Rusia dhe Republika Çeke janë përfshirë së fundmi në një krizë diplomatike për shkak të zbulimit nga Praga të një njësie spiunazhi rus që akuzohet se ka kryer disa operacione, mes të cilave edhe hedhja në erë në vitin 2014 e një fabrike municioni. Pas kësaj akuze, Kremlini mori vendimin e paprecedentë të dëbimit të të paktën 20 diplomatëve çekë, ndërkohë që Praga largoi 18 diplomatë. Hetimet nga pala çeke kanë zgjatur për 7 vjet dhe sipas “Reuters” është arritur të provohet lidhja me agjencinë ruse të zbulimit, GRU me disa akte të kryera në vite, jo vetëm në Çeki. 

I kujt është pallati superluksoz në detin e Zi, të cilin pak ditë më parë opozitari rus, Alexey Navalny ia atribuoi presidentit Vladimir Putin? Ky i fundit mohoi se ka në posedim një pronë të tillë, por duket se pakkush e beson një gjë të tillë. Sot media të ndryshme raportojnë se biznesmeni Arkady Rotenberg ka deklaruar se pallati është i tiji. Rotenberg është një partner i Putin në sportin e xhudos i cili në vitin 2019 ka shitur aksionet e veta në firmën e ndërtimit të gazsjellësve, Stroygazmontazh për 990 milionë dollarë.

Presidenti rus, Vladimir Putin, ka hedhur poshtë akuzat e kundërshtarit të tij, Alexei Navalny se ai posedon pranë detit të Zi një kompleks që kushton mbi 1 miliardë dollarë. Në një bashkëbisedim me studentë, Putin ka deklaruar në mënyrë kategorike se ai, apo të afërm të ngushtë të tij të kenë një pasuri të tillë.

Presidenti i Rusisë Vladimir Putin ka deklaruar se tërheqja e Armenisë nga marrëveshja e paqes për Nagorno Karabakhun negociuar ditë më parë me Azerbajxhanin, do të ishte një akt vetëvrasës. Putin e ka përcjellë mesazhin e tij përmes një interviste televizive duke nënvizuar se Armenia duhet t’i përmbahet marrëveshjes. Marrëveshje ka hapur rrugën e lëshimeve territoriale në favor të Azerbajxhanit, çka ka provokuar protesta të mëdha në Armeni që kanë vënë në vështirësi qeverinë e Nikol Pashinyan, madje një javë më parë shërbimet armene deklaruan se kishin parandaluar një atentat ndaj tij.

Presidenti turk, Recep Tayyip Erdogan ka bërë një sugjerim të ri për zgjidhjen e konfliktit në Nagorno-Karabakh. Në një telefonatë me homologun e tij rus, Vladimir Putin, Erdogan ka kërkuar që Putin të organizojë një grup të përbashkët pune jashtë Grupit të Minskut që është degë e OSBE-së. Mediat turke raportojnë se Turqia ka dhënë garanci për ndaljen e luftimeve pasi Azerbajxhani të marrë zonën e Shushas, ndërkohë që Armenia do të duhet të largohet nga shtatë distrikte.

Presidenti i Rusisë Vladimir Putin ka deklaruar mundësia e një aleance ushtarake me Kinën, nuk mund të përjashtohet në të ardhmen. Ai ka folur për këtë çështje pasi është pyetur gjatë një videokonference me ekspertë të politikës së jashtme, ndërkohë që deri më tani Rusia dhe Kina kanë vlerësuar partneritetin strategjik, por kanë përjashtuar opsionin e një aleance.

Teorikisht ne nuk kemi nevojë për aleancën ushtarake me Kinën, por është shumë e mundshme që kjo gjë të imagjinohet

Presidenti i Rusisë, Vladimir Putin ka propozuar një marrëveshje të gjerë bashkëpunimi dypalësh me SHBA në fushën e sigurisë së informacionit. Duke vlerësuar “rrezikun e një konfrontimi në shkallë të gjerë në fushën dixhitale” si një nga sfidat strategjike më të mëdha të kohës sonë, Putin, ka hedhur idenë e krijimit të një kuadri bashkëpunimi që imiton marrëveshje të shekullit të ’20-të.  Propozimi adreson çështje të aktualitetit duke përfshirë qëndrime konstante të politikës së jashtme ruse, siç është parimi i mosndërhyrjes në punët e brendshme.

Bjellorusia është Siria e Europës dhe kjo mund të shihet nga zhvillimi i një skenari thuajse identik. Perëndimi shihet si i asociuar, apo pas protestave kundër presidentit jetëgjatë, Aleksander Lukashenko, ndërkohë që gradualisht, mediat po paraqesin si aktor kryesor, Rusinë e Vladimir Putinit.