njerezit e detit

Një ekip arkeologësh zviceranë dhe hollandezë mendojnë se i kanë dhënë fund një prej dilemave më të mëdha për Mesdheun antik: shkatërrimi i qytetërimeve të epokës së bronzit. Nga gjetjet e shumta arkeologjike, sidomos në Mesdheun Lindor, është verifikuar një valë shkatërrimi masiv në thuajse të gjitha qytetet bregdetare çka çoi në rënien e atij që quhej qytetërimi i epokës së bronzit. Viti 1200 p.e.s është kyç në këtë datim që deri më sot ka mbetur peng i hipotezave nga më të ndryshmet.

“Newscientist” i ka lënë sot një hapësirë në një shkrim të vetin ideve të sponsorizuara nga një fondacion zviceran, “Luwian Studies”, sipas të cilit ajo që njohim sot si Lufta e Trojës, ishte thjesht akti final i një përballjeje që arkeologu Eberhard Zangger, e cilëson si “Lufta Boëtrore Zero”, e cila sipas tij solli fundin e Epokës së Bronxit, 3200 vjet më parë.