ndikimi

U fol shumë që me rastin e fitores së Barack Obamës, por së fundmi kjo është temë kryesore e ditës. Fjala është për ndikimin e internetit dhe rrjeteve sociale në ndikimin e zgjedhjeve, duke imponuar në zgjedhjen e njerëzve një variabël të ri që kushtëzon “lirinë” e tyre. Algoritmet e përdorur nga Facebook dhe Google nuk janë të qartë për shumëkënd dhe madje larg interesit të tyre, por partitë duhet të jenë të shqetësuara. Fitorja e Trump, si akt finalizues i një ngjarjeje të paimagjinueshme e ka përforcuar perceptimin për rolin e aktorëve të tillë si Google dhe Facebook.

Ka një debat të madh, shoqëruar me rritjen e mosbesimit, për ndikimin e vaksinave. Legjenda e përhapur në vitin 1998 nga një revistë britanike, mbi pasojat e vaksinave kanë kontribuuar në këtë drejtim dhe problemi ka mbërritur edhe në Shqipëri. Në një diskutim në emisionin “Mikroskop” në “TemaTv”, Erida Nelaj, Menaxhere e Programit Kombëtar të Vaksinimit dhe Dr.Aurel Vula, Mjek Pediatër në QSUT, kanë shpjeguar sesi qëndron e vërteta shkencore sot për këtë çështje dhe se cilat janë pasojat e mosvaksinimit. Më poshtë video:

Ka një shqetësim në rritje në Shqipëri për efektin e vaksinave mbi fëmijët. sidomos për vaksinën kundër fruthit që bëhet në moshën 1 – vjeçare. Ndonëse në poliklinka ka materiale shpjeguese që bëjnë thirrje për vaksinim, dyshimi se ato japin efekt autizmin te fëmijët qëndron. Ka madje kategori që refuzojnë vaksinat nisur edhe nga predispozita fetare. Për ndikimin e vaksinës së fruthit, është shkruar shumë. Në Britani lidhja e saj me autizmin e cilësua mashtrim, por dyshimi ka hedhur rrënjë.

Një lajm i mirë, por edhe një i keq raportojnë së fundmi një grup prej 38 shkencëtarësh. Sipas një studimi të publikuar në “Nature”, në Tokë ka rreth 3.04 trilion pemë, duke hedhur poshtë vlerësimin e mëparshëm që jepte shifrën e 400 miliardëve. Sipas këtij vlerësimi rezulton se për çdo njeri në planet, ka 422 pemë. Por lajmi i keq është se totali i pemëve që ekzistojnë është sërish 46% më e ulët krahasuar me kohën kur njeriu nisi shpyllëzimin.