nderkombetaret

Rama është i izoluar edhe nga ndërkombëtarët.

Ky është titulli i një lajmi në një nga mediat e opozitës. 

Titull që të bën për të qeshur dhe që tregon derexhenë e të ashtuquajturës opozitë. Sepse askush nuk thotë se nga është izoluar tjetër Rama, pasi opozita për ta thënë troç: I uli brekët.

Por ky theksim zbulon mendimin e vërtetë brenda opozitës për suksesin politik. Revolucionarët janë tredhur dhe kanë sytë nga buzëqeshjet e diplomatëve të cilëve deri më dje u tregonte popullin. 

Deri më dje opozita e drejtuar nga Lulzim Basha akuzonte ndërkombëtarët si pjesë të problemit në Shqipëri. Në kohën e protestave të veta kryetari i PD-së humbi mbështetjen e atyre që i quajnë partner për të investuar te shpresa e revolucionit. Korit kundër ndërkombëtarëve iu bashkua edhe partia e presidentit Ilir Meta duke cilësuar në këtë përballje disa ambasadorë që dolën hapur në mbështetje të qeverisë. 

Historitë mbi regjimin e Vuçiçit nuk kanë fund. Duket se nuk ka mbetur për t’u thënë asgje esenciale për të: gjithçka është thënë tashmë në një sërë kritikash dhe komentesh. Vuçiçi dhe shpura e tij janë komentuar deri në detaje, por pothuajse nuk ka asnjë analizë rreth veprimtarisë së opozitës. Vera do të kalojë, dhe zgjedhjet e rregullta po afrojnë. Do të mbahen diku në fillim të vitit të ardhshëm.

Opozita mbylli një tjetër protestë në vazhdën e përpjekjeve për të detyruar zotin Rama të pranojë zgjedhjet e parakohshme me një qeveri teknike. Pjesëmarrja tregoi se PD, LSI e parti të tjera të vogla mund të mobilizojnë numra përtej mbështetësve tradicionalë edhe pse janë jashtë parlamentit. Sa i takon mesazheve të zotit Basha, ato ishin për ndërkombëtarët, në veccanti ambasadave të SHBA e BE që kanë mbajtur dukshëm krahun e qeverisë.

A don qymyr zotni”, është një refren i qytetit tem, një refren i qytetit të mjerë të poetit të hajthëm e shëndetlig-uragan i këngës së  mjerimit. 

I qytetit të Shqipërisë së mjerë të viteve ‘30  të shekullit të kaluar. Pak qy- myr, a don qymyr, zotni për  të ngrohë mjerimin tand. Për të ngrohë edhe mârdhen e mjerimin tim… Një refren si ky ngjan se është bërë sot fren i vendit tem”, përsëritja si një thirrje e  fjalës dhunë. Lakuar në të gjitha rasat e në të gjitha format.

Pas djegies së mandateve PD ka nisur një fushatë lobimi me ndërkombëtarët për t’i ndërgjegjësuar rreth situatës politike në Shqipëri.

Basha i ka nisur takimet nga Viena, ndërsa Berisha i ftoi që të njihen me realitetin në vend dhe arsyet që e çuan opozitën në vendimin ekstrem. Mungesën e Gjykatës Kushtetuese, ish-kryeministri e quajti të ngjashëm me aktin e një grushti shteti dhe u bëri thirrje socialistëve të reflektojnë për të hequr Edi ramën nga drejtimi i PS.

Kryeministri i Kosovës, Ramush Haradinaj, duket se po mbetet një ndër të paktët zëra që deklaron se është për ruajtjen e tërësisë tokësore të Kosovës. Në Tiranë dhe në Prishtin, të gjithë duket se janë dakord për shkëmbim territori dhe në këtë garë për t’ia pagëzuar edhe shekullin e 21-të me poshtërim shqiptarëve është edhe komuniteti ndërkombëtar.

Kryeministri Edi Rama ka ofruar dje përmes një shkrimi në faqen e vet në Facebook një pakt të ri me PD-në. pakti kësaj radhe është për Prokurorin e Përgjithshëm dhe siç argumenton Edi Rama ai do të duhet të hapte një mundësi që negociatat me BE-në të çeleshin në pranverë. 
Nisma e z. Rama është komike dhe e pasinqertë. Komike sepse pas miratimit të reformës në drejtësi, nuk mund të bëhet thirrje për pakt për zgjedhjen e prokurorit që është pjesë e detyrimeve që cakton reforma. 

Në llogaritë e votës së 25 qershorit ka hyrë së fundmi edhe loja me ndërkombëtarët, ku si Rama, ashtu dhe Basha e Meta kanë tribluar në fushat e tyre të referencës, dikush me intervista, dikush me foto apo dikush me garanci për Europën. Top Channel, një televizion afër kryeministrit intervistoi presidentit turk Erdogan, 5 ditë para zgjedhjeve. Mesazhi i shefit të Ankarasë ishte pro mikut të tij Edi Rama dhe zgjerimit të projekteve turke në Shqipëri, përmes një partneriteti që garanton dyshja në fjalë.