Leonard Cohen

Ka ndodhur shpesh që njerëz të mëdhenj të jenë vlerësuar më shumë pasi kanë vdekur, sesa kur kanë qenë gjallë. Për shembull, sa qenë gjallë, Leon Tolstoit nuk iu dha çmimi Nobel për letërsi, po ashtu, Gandit nuk iu dha çmimi Nobel për paqe. Më duket se edhe muzikantit dhe këngëtarit Leonard Cohen nuk iu dha vendi i merituar midis më të mëdhenjve të muzikës botërore.

Leonard Cohen, poeti dhe këngëtari i muzikës rock, interpretimet e të cilit depërtuan thellë në mistikën e besimit dhe erosit, ndërroi jetë në moshën 82 vjeçare. "Kemi humbur një nga krijuesit më vizionarë"-shkruhet në njoftimin për vdekjen e tij. Forca lirike e vargjeve të tij u përqafua shumë shpejt nga miliona njerëz në mbarë botën që audhuruan muzikën e tij.