Grupi i PS

Mediat kanë zbardhur sot një pjesë të debatit në grupin parlamentar të Partisë Socialiste, lidhur me tensionet e takimit të Elbasanit. Ndërhyrja e kryeministrit vlen për të kuptuar se Edi Rama është përpjekur të japë shenjat e një pajtimi me Blushin, ndërsa ka sqaruar edhe rolin e Taulant Ballës në këtë histori.

Anëtarësimet në parti duket se nuk po e kënaqin kryeministrin Rama. Gazeta Panorama raporton se kryeministri ka kritikuar disa prej deputetëve socialistë për mënyrën e aktivizimit të tyre në bazë. Në mbledhjen e zhvilluar këtë të hënë në selinë e PS-së, Rama ka thënë se “jo të gjithë deputetët po punojnë njësoj”.
Rama ka kërkuar një prezencë më aktive të disa deputetëve në zonat ku ata janë zgjedhur, lidhur me rritjen e numrit të anëtarësimeve dhe organizimin e strukturave lokale.

Kreu i Grupit Parlamentar të PS-së, Gramoz Ruçi, deklaroi sot nga Elbasani atë që nuk e beson as vetë: Se dorëheqja nga mandati i deputetit Arben Ndoka ishte një iniciativë personale. PS ka mbledhur sot degën e saj në Elbasan për të diskutuar për ristrukturimin dhe zgjedhjet e ardhshme parlamentare. Ruçi gjatë fjalës së tij ka prekur dhe çështjen e dekriminalizimit ku tha se, opozita po përpiqet të marrë kapital politik pasi për reformën e kërkuar nuk ka bërë asnjë propozim.