gjermania

Bashkëpunimi nuk të lë pa gjë. Kjo vlen të thuhet edhe në rastin kur bashkëpunon me forca ndaj të cilave bota ka një qëndrim të prerë: nazistët. Një rast në Blegjikë, verifikuar nga historianët ka nxjerrë në dritë se 2500 bashkëpunëtorë belgë të nazizmit, gjatë kohës së pushtimit gjerman në Luftën e Dytë Botërore, vijojnë të marrin pension nga Gjermania. BBC-ja raporton sot se çështja është trajtuar edhe në nivel politik: të mbijetuarit nga nazizmi i kanë kërkuar ministrit përkatës, Daniel Bacquelaine që ta ndalojë këtë gjë.

Turqia do të reagojë ndaj Gjermanisë për rezolutën që Parlamenti gjerman miratoi si qëndrim ndaj atij që njihet si Genocidi Armen. Në një intervistë për televizionin shtetëror turk, TRT Haber, ministri i Jashtëm turk, Mevlut Cavusoglu, paralajmëroi reagimin e Ankarasë zyrtare, por pa sqaruar se për çfarë bëhet fjalë. Gjermania është vendi i dytë i madh europian, pas Francës që njeh Genocidin Armen, që përbën nga çështjet e nxehta të Politikës së Jashtme turke.

Deutsche Welle: Z. Zörner, rrjetet sociale janё emancipuar si medie mё vete. Ato janё njё podium i shprehjes sё lirё tё mendimit, por ato mund tё jenё edhe skena pёr komentet me gjuhё urrejtjeje. Cila vlerё ёshtё mё e çmuar: fjala e lirё, apo shmangia e gjuhёs sё urrejtjes?

Kriza në Maqedoni po zbulon një rol,të ri, direkt të Gjermanisë. Kjo e fundit ka caktuar madje një të Dërguar të Posaçëm, Johannes Haindl, i cili flet për agjencinë “Deutsche Welle” duke nënvizuar se Maqedonia “duhet t’i kthehet kursit euro-atlantik”. “Nuk duhen përzierë gjërat dhe duhet të shmanget gjithçka që mund të nxiste konflikte ndëretnike. Edhe në këtë kontekst më duket mjaft e rëndësishme, që vendi sa më shpejt të rikthehet në rrugën e afrimit euro-atlantik”, shprehet ai.

Gjermania do të shpenzojë për emigrantët 93.6 miliardë euro në pesë vitet e ardhshme. Lajmi ëhstë raportuar fillimisht nga revista “Der Spiegel” dhe është referuar edhe nga agjencia shtetërore e lajmeve, “Deutsche Welle”. “Rreth 25.7 miliardë euro pritet të shkojnë për shpenzime sociale, pagesa sidomos për të papunët dhe për ndihma financiare për strehimin. Rreth 5.7 miliardë euro janë llogaritur për kurset e gjuhës dhe 4.6 miliardë parashikohen për të ndihmuar për integrimin e refugjatëve në tregun e punës.

Ministri i Jashtëm i Shqipërisë, Ditmir Bushati, ka zhvilluar një vizitë në Gjermani ku ka takuar homologun Steinmeier. Lidhur me vizitën dhe axhendën, Bushati ka folur në një intervistë për “Deutsche Welle” ku përcjell qëndrimet dhe komentet e veta. Ai është pyetur për situatën në Maqedoni, “ku Shqipëria ka interesa legjitime”, e cila sipas ministrit shqiptar po ndiqet me vëmendje. Po kështu, Bushati ka deklaruar se për çdo iniciativë kundrejt Maqedonisë , Shqipëria do të sinkronizohet me Berlinin, një qasje për të cilën nuk ka shpjegime.

Anatole Kaletsky, kolumnist i njohur i “Times”, “The Economist”, “Reuters” etj., si dhe autor i një libri me ndikim me titull: “Capitalism 4.0: Lindja e një Ekonomie të Re si Rezultat i Krizës”, trajton në një opinion të vetin në “Project Syndicate” temën e lidershipit në Europë. Kaletsky i bashkohet zërave kritikë ndaj politikave gjermane të Angela Merkel, që i cilëson “dogmatike dhe konservatore”, duke shkuar më tej në përfundimin se rendja pas kursit gjerman do të çojë drejt shkatërrimit të Europës.

Shuma e parave të pastruara dhe pra të ricikluara flrmalisht arrin një shofër prej 100 miliardë eurosh në vit vetëm në Gjermani. Vendi që perceptohet se ka struktura që funksionojnë si akrepa ore, rezulton të jetë ndër më problematikët, sa kohë që kjo shifër është dy herë më e lartë nga sa eskpertët vlerësonin. E dhëna vjen nga një raport i komisionuar nga Ministria e Financave dhe realizuar nga kërkues të universitetit Halle-Wittenberg.

Gjermania është vendi i juristëve. Shumë gjëra janë të rregulluara me ligj dhe paragrafët ndërtojnë shtyllën kurrizore ku bazohet ndërtesa shtetërore - ndoshta më tepër se në vende të tjera. Kështu është rregulluar edhe rasti i fyerjes së kryetarëve të huaj të shtetit.

Revista gjermane “Der Spiegel” raporton këtë të shtunë se shërbimi sekret gjerman, BND, ka survejuar dhe spiunuar zyrën e kryeministrit izraelit prej vitesh. Lajmi është riprodhuar edhe nga e njohura “Haaretz” e cila shton se shërbimet gjermane kanë spiunuar edhe shtete të tjera, aleate me Gjermaninë, sikurse edhe drejtues të organizatave ndërkombëtare. Ministrat e Brendshëm të Austrisë, Beligjikës, Ministrinë e Mbrijtjes të Britanisë së Madhe, Forcat Ajrore Amerikane, NASA-n, agjencitë e OKB-së, Fondin Monetar Ndërkombëtar, OPEC, etj..