emigrimi

Ilir Meta sot është President i Republikës dhe prej gojës së tij nuk mund të dalin më ato frazat e mënyrës dëftore me mesazhe njëdrejtimëshe. Po kështu Ilir Meta e ka të vështirë edhe gjestikulacionin e të fortit që hakërrehet me duar dhe këmbë nga ndonjë foltore duke gënjyer ndonjë të mbetur para televizorit se ai është trimi i fundit në Shqipëri; kjo sepse fati politik e paketoi në krye të shtetit.

Organizata Ndërkombëtare për Migrimin(IOM) pa publikuar sot raportin e vet “Matja e Potencialit Migrator Global 2010 -2015” që analizon prirjet migratore të njerëzve në mbarë botën për periudhën 2010 – 2015. Sipas këtij raporti rezulton se rreth 0.5% e të rriturve në botë po përgatiten aktivisht për të emigruar, një e dhënë që në shifra absolute është 23 milionë njerëz. Destinacionet kryesore të kësaj vale potenciale janë SHBA, Britania e MAdhe, Arabia Saudite, Franca, Kanadaja, Gjermania dhe Afrika e Jugut. Një në tre të rritur që u përfshinë në sondim rezultoi se ka në plan të emigrojë.

Disa qindra mijëra sirianë që u detyruan nga politikat perëndimore të lënë shtëpitë e të bredhin rrugëve të Europës në kërkim të një strehe, janë bërë lajmi i ditës në Perëndim. Nga emergjenca civile, te vështirësitë ekonomike të krizës, e deri te kërcënimi për qytetërimin perëndimor, sirianët janë kthyer në materie për çdo lloj propagande, gjithnjë me kushtin e një amnezie dhe pse jo mohimi të historisë së afërt europiane.

Ky është titulli që media shtetërore gjermane “Deutsche Welle” ka zgjedhur për të përkufizuar një aspekt të situatës politike në Maqedoni. Një titull i vendosur në seksionin shqip të medias në fjalë, që shkon si mesazh për shqiptarët e Shqipërisëe të cilët emigrojnë në vend që të protestojnë. Protesta është rruga e vetme për të mbyllur rubinetin e marrëzisë dhe paaftësisë që po i likujdon perspektivën një vendi të tërë. Njësoj si në Maqedoni, me gurë, thyerje xhmash, përplasje, gjithnjë me synimin për të marrë atë që kriminelët që janë në Parlament ia kanë grabitur Publikes.

Instituti i Statistikave raporton për një prirje problematike në popullsinë shqiptare. Buletini Statistikor Tremujor IV 2015, që u publiku këtë javë nga INSTAT, jep të dhëna për shtesën natyrore të popullsisë, lidnjet, vdekjet, martesat, emigrimin, ku shihet një rënie e përgjithshme. Kështu shtesa natyrore e popullsisë ka rënie me 7% krahasuar me një vit më parë, pra me vitin 2014, kurse lindjet kanë rënie me 2%. Kësaj prirjeje i mbivendoset edhe emigrimi që për vitin 2015 kap shifrën e 42 922 personave. Bashkëlidhur edhe me lëvizjet hyrëse rënia është diku te 6 700 persona. 

Në Evropën Qendrore dhe Lindore nuk bëjnë dallime midis refugjatëve dhe terrorristëve. Faktet atje nuk luajnë ndonjë rol të madh. Kryesisht tek këto shoqëri sundon refuzimi ndaj refugjatëve.

Numri i kërkesave për azil të shqiptarëve në vendet e Bashkimit Europian ka shënuar një rritje të frikshme në vitin 2015. Sipas të dhënave të Eurostat, numri i azilkërkuesve nga Shqipëria është rritur me 439%, duke arritur në gati 66 mijë në vitin 2015, nga 12.2 mijë që ishin një vit më parë.
Këtu janë të përfshirë vetëm individët që janë regjistruar si azil kërkues në vendet e BE-së, ndërsa numri total i të larguarve (jo vetëm në BE, por dhe në SHBA) është vështirë të matet, por gjithsesi ai është më i lartë se 66 mijë raporton Panorama.

Qeveria shqiptare pranon zyrtarisht se arsyet e ikjes së shqiptarëve, pra emigrimit të tyre, janë me natyrë ekonomike: varfëria dhe papunësia. Kjo nënvizohet në një raport të fundit për emigracionin për vitin 2014, që është adoptuar nga ekzekutivi si e dhënë rëferuese për të marrë masa që kjo prirje të adresohet në politika të caktuara. “Gjatë vitit 2013, ekonomia shqiptare shënoi rritje reale prej 1.4%, ndërsa në vitin 2014, rritja ekonomike ishte 1.9%. Gjithashtu, Produkti i Brendshëm Bruto (PBB) për frymë në vitin 2013 arriti në 471 mijë lekë..

“Deutsche Welle” publikon sot një shkrim me titull disi të pazakontë: “Bullgari: E ardhmja pa mjekë”, me autore Mariya Ilcheva. Shkrimi nis me një ilustrim që shpjegon mirë dukurinë: “Pediatria Snezha Teneva (në fotografi), do të duhej të kishte dalë në pension që para një viti. Por ajo vazhdon të punojë me turne në spitalin e Asenovgradit. "Jemi vetëm katër mjekë pediatër këtu. Po të mbeten vetëm tre, atëherë stacioni i fëmijëve duhet të mbyllet", thotë ajo. Për qytetin bullgar me rreth 60.000 banorë dhe vetëm me një spital kjo gjë do të kishte pasoja dramatike”.

Qeveria po mbetet e vetme në betejat e saj për rritjen ekonomike dhe punësimin. Arritja e marrëveshjes me FMN për një mbështetje të re buxhetore, apo vlerësimi pozitiv i kompanive të vlerësimit, Moody’s dhe Standard & Poor’s, megjithëse e kënaqën pa masë qeverinë se arriti të marrë një Eurobond prej 450 milionë eurosh dhe interes, relativisht të mirë, nuk ngjallin shumë shpresë te popullata.