egjipt

Lirimi, i vendosur sot nga drejtësia, i ish-presidentit Hosni Mubarak, i cili mbretëroi me dorë të hekurt për 30 vjet, mbyll simbolikisht kapitullin e Pranverës Arabe në Egjipt.Avokati Me Farid el-Deeb theksoi se Mubarak, i cili aktualisht mbahet në një spital ushtarak në Kajro, mund të kthehet në shtëpi kur mjekët të thonë se ai mund të dalë.

Disa të dhëna të fundit për Egjiptin zbulojnë një situatë të pazakontë për trajtimin e femrës në këtë vend. Nga një studim i kryer nga prof. Madiha Obada e universitetit të Sohag, rezulton se ngacmimet seksuale ndaj femrave në këtë vend janë rritur me 78.6%. Në një shifër absolute 62.1% e femrave të të gjitha moshave kanë qenë subjekt i ngacmimit seksual, prej të cilave 76.4% kanë qenë subjekt ngacmimi më shumë sesa njëherë.

Ndërhyrja e koalicionit të drejtuar nga SHBA në Mosul është vlerësuar si një instrument presioni ndaj asaj që Rusia arrtiti në Siri dhe sidomos në Halep. Në përpjekje për të kompensuar humbjen në terren, perëndimorët mbyllën kufirin nga krahu iraken, duke spastruar Irakun nga ISIS dhe duke hapur rrugën për menaxhimin e situatës në vend.

Njeriu shpall fajtor edhe “Tom&Jerry”, dy personazhet gazmorë dhe aq të dashur për të gjithë. Aktin e kriminalizimit të serialit që ka nisur të shfaqet që në vitin 1940, e ka bërë shefi i shërbimeve sekrete egjiptiane, Salah Abdel Sadek, sipas të cilit, përleshjet e dhunshme të Tomit dhe Xherrit kanë sjellë ftohjen e rinisë, neutralizimin e ndjeshmërisë së saj ndaj akteve të dhunshme.

Vdekja e 224 pasagjerëve në tragjedinë ajrore të Sinait javën e kaluar ishte sa e papritur aq edhe e dhunshme. Ndërsa skenarët që serviren nga mediat perëndimore dhe ato ruso-egjiptiane kundërshtojnë njëra tjetrën, hetimet po i mëshojnë më shumë idesë së një akti terrorist. Televizioni “France 2”, gazetat “Le Monde” dhe “Le Point” thonë se ekspertiza e kutive të zeza ka zbuluar se shkak i tragjedisë u bë një shpërthim në brendësi të avionit që sipas të dhënave lidhet me një akt terrorist.

Rrëzimi i avionit rus Airbus 321 në gadishullin e Sianit është marrë përsipër nga një grup islamik që operon në Egjipt. Në një video të shpërndarë në rrjetet sociale ata e quajnë veten ushtarë të kalifatit, duke nënkuptuar se grupi është i afërt me Shtetin Islamik. 224 njerëz humbën jetën sot nga rrëzimi i avionit që fluturonte nga Sharm el-Sheikh drejt Saint Petersburg. Mes trupave janë edhe 17 fëmijë.

Një avion rus me 224 persona në bord, i cili rezultonte i humbur mbi hapësirën ajrore të Egjiptit, u rrëzua në Sinai, konfirmoi sot Ministria egjiptiane e Aviacionit Civil. “Avioni po shkonte drejt Shën Petërburgut”, njoftoi agjencia ruse e lajmeve, Itar-Tass, që shtoi se të gjitha pasagjerët ishin pushues rusë. Ministria egjiptiane e Aviacionit Civil  tha se: “Copa nga avioni janë gjatur pranë aeroportit al-Arish, në gadishullin e Sinait”.

Për gati një shekull, gërmimet në Egjipt në Luginën e Mbretërve, kanë nxjerrë në dritë 64 varre dhe dhoma të tjera të lidhura me to. Thesari më i madh i gjetur është ai i Tutankhamun, njohur si KV62, por janë gjetur edhe mumje të dinastive mbretërore18-19. Duke nisur në vitin 2007, shkencëtarët egjiptianë kryyen teste genetike në 16 mumje mbretërore, mes të cilëve u zbuluan të afërmit e faraonit Tut, gjyshërit, prindërit, gruaja dhe dy vajzat. Mungon një mumje nga kjo periudhë, e bukura Nefertiti. Ajo ishte gruaja e parë e Akhenaten, babait të faraonit Tut.

Situata e tensionuar në Egjipt ka bërë që forcat egjiptiane të sigurisë të vrasin gabimisht 12 persona, midis tyre edhe turistë meksikanë. Në momentin që u qëlluan ata ishin duke udhëtuar në katër automjete të ndryshme në perëndim të shkretëtirës egjiptiane. Sipas zëdhënësit të ministrisë egjiptiane të Turizmit, kjo ishte një zonë e ndaluar për turistët për shkak të rritjes së aktivitetit terrorist, ndërsa makinat nuk ishin të licensuara dhe të njohura nga autoritetet.

Shërbimet izraelite gëzojnë reputacion ndërkombëtar se janë shumë efektive. Aq sa duket të kenë nxitur paranojën e disa vendeve fqinje me Izraelin. Së fundmi radio e kontrolluar nga Hamas, bëri të ditur se një komando zhytësish kishte kapur një delfin, në të cilin ishin vendosur pajisje përgjime. Menjëherë akuza shkon për shërbimet izraelite, që janë në qendër të vëmendjes për përdorimin e kafshëve për qëllime spiunazhi. Egjiptianët kanë deklaruar para tre vjetësh se kishin kapur një rosak me pajisje përgjuese, sudanezët më herët kanë kapur një shqiponjë.