edi rama

Sot Elvis Roshi përfitoi një masë lehtësuese nga gjykata. Ai fitoi ndryshim të masës së sigurisë nga arrest shtëpiak në detyrim paraqitjeje.

Deklaratat fyese ndaj medias, në lidhje me importin e mbetjeve, Drejtuesi i Unionit të Gazetarëve Aleksandër Çipa i konsideroi kosto politike për kryeminsitrin Edi Rama. I ftuar në studion e "Tema Tv" Çipa tha se rikthimi i ligjit të mbetjeve dhe gjuha e përdorur ndaj medias janë në dëm të qeverisë dhe drejtuesit të saj.

Kryeministri është në siklet, kurse në të gjithë jemi në hall. Seanca e sotme parlamentare i nxori kokën frikës së Edi Ramës ndaj zemërimit për ligjin e importit të mbetjeve, i cili theu rutinën e “lajmit 3 ditësh”.

Importi i mbetjeve, apo më mirë biznesi me mbetjet është një “ide” e vjetër e kryeministrit Edi Rama. Një letër që publikohet sot nga “lapsi.al” e cila dato në vitin 2004 zbulon interesin e Edi Ramës, asokohe kryebashkiak i Tiranës, për të qenë pjesë e venimmmarrjes dhe procesit të menaxhimit të mbetjeve që qeveria e Fatos Nanos mendonte t’i importonte nga Italia. Becchetti, sot i larguar nga Shqipëria ishte bërthama e lojës e cila solli reagime të shumta nga shoqëria civile.

Qeveria refuzon të drejtën e njerëzve për t’u shprehur me referendum për importin e mbetjeve. Edi Rama, që me këtë ligj që i jep ministrit të LSI-së, Lefter Koka atribute të mëdha e ndoshta ka kolauduar koalicionin me Ilir Metën, ka zgjedhur të ballafaqohet me ata që e pyesin duke i shpallur injorantë. Të palexuar, të painformuar dhe të shastisur nga media dhe kazanët.

Është mbledhur sot Asambleja e Partisë Socialiste në të cilën janë diskutuar një sërë çështjesh që kanë të bëjnë me situatën në vend. Kryetari i kësaj partie Edi Rama ka folur me tone optimiste për investimet e bëra, ndryshimet në këto tri vite, ndërhyrjet në shumë sektorë, gjithnjë duke iu përmbajtur prirjes pozitive.

Përveç ditës javore të sesionit parlamentar, kur politikanët bëjnë retorikat qesharake, kinse në mbrojte të interesave, por edhe të përfaqësimit qytetar, ditët e tjera pothuaj janë të fjetura për opozitën. Kuptohet se shkojnë në komisionet parlamentare, në emisione, prononcohen, atakohen. Kjo është e gjitha ajo sa i përket veprimit të opozitës. Partia Demokratike si lidere reale e opozitës shqiptare, e ka të vështirë të përballë egoizmin dhe arrogancën e mazhorancës, por më shumë se kaq çoroditjen e brendshme dhe humbjen e besimit total të lidershipit aktual të PDsë.

Kryeministri  i Shqipërisë Edi Rama doli sot në një intervistë në televizionin “Klan” për të folur mbi situatën në vend. Intervista e një kryeministri ka rëndësi pasi kushdoqoftë personi, ai ka në dorë vendimmarrjen e përgjithshme dhe duhet dëgjuar. Sot intervista e zhvilluar kokë më kokë mes tij dhe moderatotit Blendi Fevizu, pritej me interes pse në diskutim publik është ligji për importin e mbetjeve që ka provokuar jo pak shqetësim.

Kryeministri Edi Rama ka deklaruar sot në “Opinion” se nuk do të ketë referendum për kthimin e ligjit për mbetjet. Sipas Edi Ramës referendumi nuk mund të zhvillohet për një të drejtë të kompanive për të importuar lëndë të parë riciklim, duke nënvizuar se ka dallim mes mbetjeve dhe plehrave për të cilat flet media.  Duke folur për nismëtarët e referendumit, kryeministri foli shkurt: “Ata që mbledhin firma le ta provojnë nëse do të fitojnë të drjetën e referendumit”, të cilën e vlerëson një institucion “i pavarur” si Komisioni Qendror i Zgjedhjeve.

Muç Nano, i cili e ka depozituar tashmë në arkivën e historisë politike togfjalëshin e famshëm të “aleancës së qelbësirave”, ka qëlluar përsëri në shenjë. Ai e ka cilësuar kryeministrin Edi Rama, një palaço politik, pas paturpësisë së këtij të fundit për të miratuar të njëjtin ligj, për rrëzimin e të cilit, ishte përbetuar dhe kishte vepruar tri vite më parë.