Burkina Faso

Kush e mban mend Burkina Fason? Shteti afrikano-perëndimor që dikur njihej si Volta e Sipërme, para viteve 90-të ishte aleate me regjimin shqiptar dhe përveç vizitave e delegacioneve reciproke, studentë “marksistë-leninistë” vinin të shkolloheshin në Tiranë. Këtë javë një grusht shteti në këtë vend të varfër ka tërhequr vëmendjen e mediave perëndimore, pasi vetëm një vit më parë një revoltë popullore rrëzoi nga pushteti autokratin prej 27 vjetësh, presidentin Blez Kampaore.