blerje

Qeveria ka nisur të aplikojë formën e prokurim të drejtpërdrejtë për blerjet që janë të domosdoshme për mbrojtjen personale në kuadër të luftës kundër koronavirusit. Përmes një vendimi qeveria ka vendosur të blejë materiale me vlerë 307 milionë lekë nga bashkimi i dy operatorëve.

"Pagova me burg blerjen e armatimeve nga Rusia dhe këtë amerikanët nuk ma falin. Pagova konfrontimet mes interesave ndërkombëtare në fushën e energjisë "- thotë ish-ministri grek i Mbrojtjes, Akis Xohaxopoulos në një intervistë për gazetarin Antonis Sroiter. "Nuk ka asnjë konspiracion global apo ndërkombëtar, por veprime armiqësore kundër Greqisë. As nuk kam lyer gishtin me mjaltë dhe as kam marrë rryshfet"- shton ish-ministri në intervistën që do të transmetohet të enjten në mbrëmje.

Fitim Zekthi , kandidati i gjashtë në listën e PD për Elbasanin thotë se humbja nuk ishte për faj të kryetarit Basha, por për shumë arsye të tjera, një ndër to edhe sepse qytetarët kërkonin lekë. Zekthi, një njeri që vjen nga media, ka zbardhur një aspekt të realitetit shqiptar i cili nuk duhet mohuar, por duhet vënë në dukje fort, natyrisht pa i hequr asgjë përgjegjësisë së Bashës dhe pjesës tjetër. 

Statusi i Zekthit

Zgjedhjet në Dibër kanë prodhuar lajme që e kthejnë në satirë edhe një proces kaq të rëndësishëm. Partia Demokratike njfton se banorët në fshatin Lishan i Epërm  kanë  konstatuar një furgon që shpërndante miell në këmbim të votës. Banoret kanë kryer arrestimin qytetar për shoferin e furgonit dhe kanë sekuestruar sasinë e miellit.

Pas vizitës në SHBA, kryeministri serb, Aleklsandër Vuçiç, ndodhet për një vizitë tre ditore në Rusi. Mediat kryesore serbe i kanë kushtuar vëmendje marrëveshjeve ushtarake me Rusinë dhe faktit se Serbia ka rënë dakord të blejë një pjesë të armatimit në këtë vend me të cilin ka marrëdhënie tradicionale. Shumëkush ka ngritur pyetjen se përse Serbia ble armë në Rusi, armë të cilat kryeministri Vuçiç ka specifikuar se janë “difensvive”. Pra shërbejnë për të mbrojtur vendin.

Qeveria ka reaguar sot përmes “transparenca.al” për të sqaruar të vërtetën e tenderit për “Jaguarët” e rinj që do të vihen në dispozicion të saj. Pas deklaratës së deputetit Edmond Spaho, në faen online është pëcjellë ky sqarim:

Tender i ri nga qeveria. Dhe do të jetë për pajisjen me makina të reja për drejtuesit e qeverisë. Tenderi do të zhvillohet në mënyrë sekrete, jo përmes Agjencisë së Prokurimeve Publike, pasi kështu thuhet se ruhet sekreti, meqenëse bëhet fjalë për sigurinë e personaliteteve. “Vizion Plus” raporton se bëhet fjalë për 29 makina, tenderin e të cilave do ta zhvillojë Garda e Republikës. Interesante është se nuk është përcaktuar fondi limit, por bëhet e ditur se tipi i makinës do të jetë “Jaguar”.

Një kompani amerikane më seli në Teksas ka shprehur interes për blerjen e kompanisë së përpunimit të naftës, “ARMO”. Revista “Monitor” përcjell lajmin që konfirmohet nga burime të Ministrisë së Zhvillimit Ekonomik. “Bëhet fjalë për kompaninë nga Teksasi, “Henry”, e fokusuar në fushën e ndërtimit, sipas faqes së saj zyrtare të internetit. Kompania është e interesuar për bitumin shqiptar, duke qenë se ajo ka interesa ndërtimi në Irak dhe në zgjerimin e kanalit të Suezit. Aktorët e tregut e vlerësojnë një zhvillim pozitiv, nëse kjo kompani do të hynte në tregun shqiptar”, shkruan “Monitor”.

Era dixhitale nuk kursen as emrat më të mëdhenj. Radha i erdhi National Geographic, revistës së mirënjohur, e cila bashkë me astetet e tjera mediatike të kontrolluara nga National Geographic Society i kanë kaluar manjatit të mirënjohur, Rupert Murdoch. Murdoch, posedues i "Fox Media", do të kontrollojë 73% të aksioneve, përmes një marrëveshjeje me shifër ekuivalente 725 milionë dollarë. “Washington Post” shkruante me një ndjesi keqardhjeje për këtë marrëveshje që e kalon "NG" nga një organizatë jofitimprurëse, me mision “zgjerimin e njohurive gjeografike” drejt një biznesi të pastër.

“Monitor” shkruan se  marketimi nga media të njohura jashtë për bukuritë natyrore të Shqipërisë, në përpjekje për të nxitur vizitues në vend, ka pasur efektin e saj në rritjen e turistëve, sidomos atyre nga vendet skandinave në Shqipëri, mirëpo blerjet e patundshmërive duket se janë në një fazë “ngrirjeje”. Të huajt që jetojnë në Shqipëri, sipas agjencive të pasurive të patundshme kanë reshtur së bleri prona. Ata janë më të tërhequr në gjetjen e një ambienti për të jetuar me qira, për ata që kanë aktivitet punësimi në vendin tonë.