Big Pharma

Kompanitë e mëdha farmaceutike ia kanë shitur Afrikës së Jugut vaksinën anti-Covid shumë më shtrenjtë se Bashkimit Europian. Kontrata mes Pfizer dhe qeverisë së Afrikës së Jugut është bërë publike së fundmi pas një beteje gjyqësore.

Detaje konkrete të kontratave mes qeverive dhe Big Pharma nuk janë bërë publike asnjëherë, ndërsa akuzat se Pfizer po përfitonte financiarisht nga pandemia janë hedhur menjëherë pas shpërndarjes së dozave të para të vaksinës.

Pandemia e Covid-19 ka lënë miliona njerëz pa punë dhe ka çuar shumë biznese në faliment. Por nëse për disa pandemia solli varfëri, për të tjerë ka rezultuar një minierë ari.

Firmës bioteknologjike “Relief Therapeutics” në Zvicër, e cila shpreson të ripërdorë ilaçin e saj 20-vjeçar aviptadil ose RLF-100 kundër Covid-19, iu rritën aksionet 40 000 për qind këtë vit në bursën vendase. Para se virusi të fillonte të përhapej duke bërë viktima në të gjithë globin në fillim të vitit 2020, vlera e aksioneve të kompanisë ishte 0.001 franga zvicerane.