Slideri Kryesor

Me fillimin e fushatës qeveritare kundër informalitetit, bizneset e vogla u gjetën para një misioni të vështirë – si të justifikonin produktet që kishin gjendje pa faturë. Për mëse dy dekada, shumica dërrmuese e tyre furnizoheshin me produkte të pashoqëruara me faturë tatimore – praktikisht, produkte që kalonin pjesërisht ose asfare nëpër sitën fiskale.

Prokuroria shqiptare provon edhe njëherë se është një institucion aneks i politikës. Njësoj si në çështjen “Doshi” edhe kësaj radhe, kur po përflitet skandali i CEZ, nga ky organ rrjedh dëshmia e Elvis Matajt, ish – dejtues i kompanisë DIA të Kastriot Ismailaj. Dëshmia, dhënë prokurorisë, publikohet nga “Tema” dhe aty nuk duket emri i Ilir Metës. Ka hamendësime etj., por kaq. Del emri i Petrit Ahmetajt, duke hedhur poshtë kështu insinuatat e një dite më parë se Meta ka ndërhyrë te Adriatik Llala për të zhvlerësuar dëshminë e Matajt.

Ridvan Bode, ish-ministri i përfolur për ndikim të paligjshëm në çështjen e shitblerjes së energjisë mes KESH-it dhe CEZ në kohën kur kompania çeke ishte në tratativa për kontraktimin e kompanive që do të mblidhnin borxhet, po lakohet së fundmi edhe për përgjegjësi penale në marrëveshjen për skanimin e doganave me kompaninë “Rapiscan” në vitin 2013, të cilën qeveria aktuale u angazhua fillimisht ta çonte në arbitrazh ndërkombëtar.

Osama Abdul Mohsen, refugjati sirian që u pengua nga një gazetare hungareze teksa mbante në krah djalin e tij, një histori që bëri xhiron e botës, ka gjasa të mos jetë thjesht një civil që përpiqet t’I largohet flakëve të luftës në vendin e tij. Të paktën sipas disa pretendimeve kurde nga rajoni I trazuar, Osama është një militant i organizatës xhihadiste Al Nusra. “Osama ka luftuar për Al Nusran përpara se të largohej nga vendi”, thonë burimet kurde.

Ridvan Bode, ka dalë sot në një konferencë për shtyp, ku ka sqaruar versionin e tij, për vendimet e viteve 2010-2011-2012 për çmimin e shitjes së energjisë nga KESH drejt CEZ. Bode ka deklaruar se nuk ka asnjë vendim të tij, si ish-ministër Financash, për uljen e çmimit, pasi kjo ishte kompetencë e Entit Rregullator të Energjisë. Letra e demonstruar nga Ylli Manjani, në emisionin “Opinion” sipas Bodes, është një kthim përgjigje ndaj një letre të ERE-s.

Siria po kthehet në një bombë më efekt aftagjatë për Perëndimin. Një vrimë e zezë ku njësi ushtarake si ISIS kanë hapësirë veprimi për çdo lloj aktiviteti. Ish-drejtori i CIA-s, David Petraeus, deklaroi para Komitetit të Forcave të Armatosura në Senat se kriza siriane ka marrë profilin e një Çernobili gjeopolitik, që “sa më gjatë të lejohet të vazhdojë aq më shumë dëm do të shkaktojë”.

Në pjesën e dytë të intervistës që kryeministri Edi Rama dha për televizonin Deutsche Welle, gazetari Tim Sebastian është përqëndruar tek raportet e tij me partenrin krysor në qeveri, Ilir Metën, duke i kujtuar atij se në vitin 2011 e ka cilësuar atë si shembullin e gjithçkaje të kalbur që ndodh në Shqipëri. Por Rama ka pohuar se ka patur parasysh sistemin dhe jo njeriun.

Një pllakat ku shkruhej “Sulltan Sulejman” në hyrje të Kalasë së Lezhës është pasuar me disa mbishkrime ditën e Bajramit ku shkruhej: “Mos u shitni te osmanët”.  Ngjarja ka procokuar reagime të mëdha. Në këtë kuadër ministrja e Kulturës, Mirela Kumbaro e ka shprehur kështu revoltën e saj: “Mos kini frike nga monumentet e kultures!  Aq me shume ne nje dite feste paqeje dhe urimesh e perkushtimi per Tjetrin, denoj me force çdo veprim qe cenon kulturen, trashegimine, gjurmet e historise, monumentet e kultures siç te paret na i kane lene!

As Ilir Meta nuk ka besim te drejtësia shqiptare. I përfolur si një nga politikanët kryesorë të akuzuar për afera në lidhje me borxhet e CEZ, kryetari i kuvendit ka deklaruar se pranon hetime vetëm nga prokurorët amerikanë. Një ditë më parë kërkesën për hetim mndërkombëtar e parashtroi ish-kryeministri Berisha në parlament dhe deklaratat e Metës vijnë si kundërpërgjigje e këtij reagimi.
"Dua të mbështes fuqimisht idenë e një hetimi të plotë, të shpejtë dhe të thellë ndërkombëtar për CEZ-in, që nga dita e parë e hyrjes së kësaj kompanie në Shqipëri, deri më sot.

Është bërë traditë që paria politike të jetë në pararojë të urimeve për Basha politikë me mesazhin e Kurban Bajramit. Edhe këtë vit presidenti, kryeministri dhe kreu i opozitës uruan që pa gdhirë besimtarët muslimanë për festën e Kurban Bajramit.
Edi Rama u mjaftua me një kartolinë, ndërsa kryetari i opozitës përcolli një mesazh sa fetar aq edhe politik, duke bërë thirrje për ndërmarjen e akteve që i shërbejnë të mirës shoqërore në kushtet e një ekonomie të tronditur dhe në rrënim.