Blloku Shkenca

Japonia shënon një sukses të madh në kërkimin hapësinor. Në këto orë është konfirmuar ulja e sondës Hayabusa 2 në një asteroid – Ryugu - 300 milionë kilometra larg Tokës.

Agjencia japoneze e Eksplorimit të Hapësirës ka konfirmuar kontaktin bazuar në të dhënat e ndryshimit të shpejtësisë së sondës në fjalë e cila bën pjesë në projektin japonez të kërkimit të origjinës së jetës në sistemin tonë diellor.

Mediat ruse shkruajnë se autoritetet në vend kanë vendosur që të rihapin hetimet për incidentin e famshëm të Kalimit Dylatov, mbi të cilin ka rreth 60 vjet që janë ngritur spekullime nga më të shumta deri edhe në hipotetizimin e tezave fantastike.

Shkencëtarët zbuluan në Tanzaninë jugperëndimore fosilet e një dinosauri barngrënës me një qafë të gjatë dhe bisht të gjatë, i cili u përket familjes së titanosaurve.

Bëhet fjalë për një specie gjatësi rreth tetë metra dhe peshë një ton që ka jetuar nga 100 deri në 110 milion vjet më parë. Profesori i Universitetit të Ohajos,  Patrick O'Connor e quajti atë Mnyamawamtuka moyoëamkia

Deri më tani, janë zbuluar rreth 60 lloje dinosaurësh të familjes Titanosaurus. Fosili i ri Tanzanisë u zbulua në një shpat të pjerrët mbi bregun e lumit Mtouka.

Njeriu po fajëson veten për çdo gjë. Një pjesë e madhe e raporteve të autorizuara nga qendra shkencore flet në mënyrë alarmante për shkatërrimin e natyrës, ndryshimet klimaterike dhe më tej akoma, zhdukjen në masë për herë të gjashtë në planetin tonë. Radha për të qenë viktimë e aktivitett njerëzor u ka ardhur insekteve.

Më shumë se 40% e specieve të insekteve po shkojnë drejt zhdukjes dhe një e treta e tyre rrezikohet. 41% e specieve të kësaj klase janë në rënie

Mumje 2 mijë vjeçare që datojnë nga dinastia e Ptolemeut janë zbuluar në katakombet e Egjiptit në zonën e njohur arkeologjike të Tun el Gebel. Arkeologët egjiptianë prezantuan edhe varrin ku u gjetën  50 mumjet në Minia, në jug të Kajros.

"Ne gjetëm dy varre nëntë metra të thella që përmbajnë më shumë se gjashtë dhoma”-tha për AFP Mohamed Ragab, i cili merr pjesë në ekspeditën e kërkimeve, të cilat janë duke vazhduar.

Werhner von Braun, ose ndryshe dhe në origjinal, baroni Werhner Magnus Maximilian von Braun, është një emër i njohur për mbarë botën. I famshëm madje që në gjallje të tij, kur iu atribuuan krijimi i V2, raketave të para të krijuara nga Gjermania Naziste dhe më vonë, në vitet ’60, zbarkimi i parë i njeriut në Hënë. Von Braun mbahet si shpikësi i raketës dhe promotori i programit kryesor hapësinor të konceptuar nga njeriu. “Kristofor Kolombi i hapësirës”, ja një ndër epitetet për të vënë nga revista gjermane “Spiegel”.

Shkencëtarët kanë krijuar një neologjizëm, të quajtur Syndemia Globale (Global Syndemic), për të përcaktuar atë që ata e shohin si kërcënimin më të madh ndaj njerëzimit dhe planetit: bashkëveprimin e tre "epidemive" obezitetit, kequshqyerjes dhe ndryshimeve klimatike, si një kombinim që prek shumicën e njerëzve në pothuajse çdo vend të botës.

Revista e njohur “Nature” raporton për një vëzhgim të ri që ka të bëjë me fushën magnetike të Tokës. Sipas revistës në fjalë, ndryshimi që po ndodh është shumë i shpejtë dhe po çon në rrëshqitjen e Polit të Veriut nga Kanadaja drejt Siberisë, kjo për shkak të lëvizjeve “kaotike” të hekurit të lëngshëm nën sipërfaqen e tokës.

Ajnshtajni dhe Njutoni janë “sulmuar” sërish, kësaj radhe në Indi. Shkencëtarë indianë të mbledhur në Kongresin Indian të Shkencës, ku merrte pjesë edhe kryeministri, Narendra Modi, kanë hedhur poshtë zbulimet apo teoritë e dy fizikanëve të njohur perëndimorë, të cilat deri më sot janë pranuar përgjithësisht si të vërteta, ose si pjesë integrale e atij që quhet modeli standard i fizikës.

Shkencëtarët në SHBA ndërhynë në procesin gjenetik të fotosintezës natyrore të bimëve duke arritur ta përmirësojnë atë artificialisht, me qëllim rritjen me 40% të produktivitetit të bimëve. Bimët e kthejnë dritën e diellit në energji kimike nëpërmjet fotosintezës, por paralelisht kryejnë edhe procesin e njohur si  foto-respirim (frymëmarrje), i cili është një lloj anti-fotosinteze dhe e kufizon fatë në masën nga 20% deri në 50%.