Blloku Shkenca

Sipërmarrësi i njohur amerikan Elon Musk ka bërë publike anijen kozmike Space X që është prodhuar për të transportuar ngarkesa dhe personel drejt Hënës, Marsit apo kudo në sistemin diellor dhe të kryejë kthimin e vet në Tokë në ulje vertikale.

Starship mendohet të kryejë fluturimin e parë brenda dy muajve në një ngritje 19 800 m, për t’u rikthyer sërish në Tokë.

Vetë Musk ka përuruar anijen me një fjalim përmes të cilit ai bëri thirrje që njeriu të zgjerojë njohjen përtej planetit tonë.

Zbulohet një planet gjigand që sipas teorive aktuale nuk duhet të ekzistonte. Ai ndodhet në një distancë prej 30 vitesh drite nga Toka.

Bëhet fjalë për planetin GJ 5312b, i cili është sa gjysma e Jupiterit, ndërsa ylli i tij ka një masë sa një e dhjeta e masës së Diellit.  Ky planet kërkon 204 ditë (kohëzgjatja e vitit të tij) për të përfunduar një orbitë të plotë rreth yllit të tij.

Kur një yll i afrohet shumë një vrimë të zezë në hapësirë, efektet e fuqishme të një batice atmosferike e shpërbëjnë atë dhe e kthejnë atë në një trajektore gazi. "Bishti" i kësaj trajektore shkëputet nga sistemi, me pjesën e mbetur që rrotullohet rreth vrimës së zezë me një mori mbetjesh.

Videoja e mëposhtme është marrë nga sateliti TESS (Transiting Exoplanet Survey Satellite) i NASA-s dhe tregon të regjistruar fenomenin e quajtur ASASSN-19bt. Sipas NASA-s, kjo është hera e parë që një fenomen i tillë është regjistruar nga fillimi deri në fund.

Ta trajtosh kancerin vetëm me një pilulë, duke përjashtuar kimioterapinë, rrezatimin apo operacionin. Mund të duket e pamunudr, por Khaled Barakat, një profesor i Universitetit të Albertës që kryen kërkime mbi imunoterapitë inovative që mund të përdoren për të trajtuar lloje të shumta të kancerit thjesht duke fuqizuar sistemin imunitar.

Autoritetet italiane i kanë mbyllur rrugët që dërgojnë në majën më të lartë të Evropës dhe i kanë larguar njerëzit nga shtëpizat malore pasi ekspertët paralajmëruan se një pjesë e akullit dhe borës në “Mont Blanc” mund të shembet, shkruan "BBC".  Zyrtarët thanë se rreth 250 mijë kubikë akull janë në rrezik të shkëputen nga akullnaja “Planpincieux” në majën “Mont Blanc”.

Kërkues të Universitetit Hebraik në Jeruzalem kanë rindërtuar pamjen e mundshme të Denisovanëve, një grup homininë që kanë jetuar krahas Neandertalëve dhe Homo Sapiensëve rreth 100 mijë vjet më parë. Sipas modelit të krijuar duket se ky grup i zhdukur në disa drejtime ngjan me njeriun modern, kurse në disa të tjera me Neandertalin dhe në tërësi, Denisovani dallon nga njeriu modern në 56 tipare prej të cilave 34 gjenden në kafkë.

Adria e Madhe është emri i një kontinenti që mendohet se qëndron i fshehur poshtë Europës Jugore. Kërkuesit kanë krijuar së fundmi një hartë të detajuar të këtij kontinenti të humbur e që u shfaq 240 milionë vjet më parë, pasi u shkëput nga Gondvana, një superkontinent që përbëhej nga ajo që sot është Afrika, Antarktida, Amerika e Jugut, Austrlia dhe pjesë të tjera toke. Adria e Madhe shtrihej nga ato që sot janë Alpet deri në Iran, por jo e gjitha kjo masë qëndronte mbi ujë.

Një astronom amator nga Ukraina, Gennady Borisov, ka zbuluar një kometë që nuk është nga sistemi ynë diellor. Emri që i është dhënë kometës nga shkencëtarët pas verifikimit është C/2019Q4(Borisov) dhe ajo lëviz shumë shpejt për t’u bjerë nën ndikimin e graviteti i Diellit.

Sonda kineze Chang’e-4 që është mjeti i parë nga Toka që ka zbritur në anën e padukshme të Hënës, ka zbuluar një material të çuditshëm, me ngjyrë të pazakontë dhe në formën e xhelit. Roveri Yutu-2 bëri zbulimin gjatë ditës së tetë hënore të misionit çka nxiti shkencëtarët kinezë që të shtyjnë misionet e tjera të planifikuara për t’u përqendruar në gjetjen në fjalë. Sipas vlerësimeve paraprake të bëra me spkektrometër rezulton se materiali i gjetur vjen nga manteli i Hënës në kraterin Von Karman. Një shpjegim që po jepet është ai se materiali është xham i shkrirë, i krijuar nga goditja e sip

Disa kërkues të Institutit Max Planck për Antropologjinë Evolucionare kanë zbuluar kafkën e parë të Australopithecus anamensis, varianti më i hershëm  i species Australopithecus dhe që pranohet se i ka pararendur Australopithecus afarensis.Sipas revistës “Nature” që publikoi lajmin, gjetja ka rëndësi të dorës së parë për të kuptuar homininët që i paraprinë homo sapiensit, pasi deri më sot AA identifikohej dhe studiohej vetëm përmes disa nofullave dhe dhëmbëve të fosilizuar që ishin gjetur në vende të ndryshme.