Blloku Politikë

Kryeministri Edi Rama ka deklaruar sot në një intervistë për Top-Channel se Shengeni Ballkanik ishte pjesë e diskutimeve të tij me kancelaren gjermane, Angela Merkel. Nga mënyra sesi përgjigjet zoti Rama duket sikur ai dëshiron të marketojë një mbështetje gjermane në këtë kuadër, nisur nga fakti se Shengeni Ballkanik është pranuar edhe nga presidenti serb Vuçiç se kundërshtohet në disa vende të BE-së. Cilat janë këto vende?

Pasi ka paraqitur letrat kredenciale në Presidencë, ambasdorja e re e SHBA-ve në Tiranë, Yuri Kim ka mbajtur një fjalë përshëndetëse nga selia diplomatike. Ajo ka përmendur rolin e ish-preisdentit Wodrow Wilson dhe ka nënvizuar vlerën e aleancës amerikano-shqiptare dhe sinqeritetit të saj. Më poshtë video: 

Këshilli Politik, ose më saktë grupi i punës mes shumicës dhe opozitës joparlamentare ka rënë dakord për një dokument me 12 pika që presupozohet se i hap rrugë garantimit të zgjedhjeve të ndershme. Për këtë qëllim grupi i punës ka miratuar edhe një Metodologji që shërben edhe për arritjen e afateve. Ndarja e shtetit nga partitë është një temë e përfshirë në diskutim duke hapur kështu një parantezë që legjitimon akuzat e deritanishme të opozitës.

Sot njoftohet se kryeministri Edi Rama dhe kryebashkiaku Erion Veliaj kanë qenë së bashku në përurimin e rikonstruksionit të shkollës “Ymer Lala" në Surrel ku banon kreu I qeverisë. Në fjalën e tij kryeministri lavdëroi z. Veliaj teksa tha: 

Organizata Politike njofton sot në faqen e vet në Facebook se nesër në Tiranë do të mbahet një protestë e minatorëve të Bulqizës kundër siç thotë ajo “biznesmenit Samir Mane dhe qeveritarëve”

Pas dy muajsh rezistence në Bulqizë, minatorët vijnë nesër në Tiranë për t'u treguar oligarkut dhe qeveritarëve fuqinë e të drejtës së tyre. Ata nuk kërkojnë privilegje, por punë të sigurt dhe të dinjitetshme.

Me mbërritjen në Tiranë të ambasadores së re të ShBA, ambasada e këtij vendi ka rinisur ritualin e postimeve për reformën në drejtësi.

E dini se çfarë ju nevojitet për të aplikuar për pozicionin e drejtorit të Byrosë Kombëtare të Hetimit? Integritet, përvojë profesionale dhe aftësi udhëheqëse.
Çdo person që plotëson kriteret minimale të përcaktuara nga ligji i SPAK, mund të aplikojë për këtë pozicion.
Bëni përpara dhe aplikoni tani! Kjo është mundësia juaj për të shkruar historinë

Partia Socialiste nuk fal, por mban qëndrim. Kështu është shprehur sot numri dy i saj, Taulant Balla, i cili duke folur për rastin e kryebashkiakut Lefter Alla, ndër të tjera tha:

Partia Socialiste nuk merr në mbrojtje askënd. Pas hetimit të Prokurorisë, reagimi i PS do të jetë i ashpër dhe nëse del fajtor, dënimi duhet të jetë maksimal

Ish- kryeministri Sali Berisha ka folur dje në një intervistë televizive mbi sistemin zgjedhor dhe listat e hapura. Nisur nga presioni i tanishëm për këto çështje, Berisha ka theksuar se sistemi i tanishëm është shumë i mirë dhe se alternativa më e mirë ndaj tij mbetet proporcionali kombëtar.

Ai është shprehur kundër listave të hapura pasi sipas tij do të hyjnë në Parlament më shumë kriminelë. Nga ana tjetër Berisha ka shprehur mendimin se biznesmenët nuk duhen ndaluar të hyjnë në politikë. 

Mjafton të zbatojnë rregullat dhe mund të hyjnë

Në faqen online të gazetës “shqiptarja.com” publikohet sot një shkrim kritik për gazetarin e quajtur investigativ, Artan Hoxha  dhe videon e shpërndarë prej tij ku presupozohet se paraqitet duke marrë kokainë kryebashkiaku i Bulqizës. Thuhet ndër të tjera në këtë shkrim:

PS-ja është një familje e madhe dhe nuk është familje e cila nuk ka edhe njerëzit e vet problematikë. Nëse vërtetohen PS-ja mban qëndrimin e vet dhe që e ka mbajtur deri tani

Kështu është shprehur kryebashkiaku i Lezhës, Pjerin Ndreu për videon e shpërndarë së fundmi ku shfaqet një person që duket sikur thith kokainë e për të cilin thuhet se është kryebashkiaku i Bulqizës.

Komenti i zotit Ndreu ka nevojë për një korrigjim: PS-ja është një familje e madhe Problematike. Për të gjithë Shqipërinë