Blloku Në Vëmendje

Grupi i ekspertëve që vazhdon me kërkimin dhe zhvarrosjen e ushtarëve të vrarë në luftën italo-greke ka gjetur deri tani eshtrat e 420 të rënëve.

Kjo u bë e njohur gjatë një takimi që anëtarët e Komitetit të Ekspertëve  të kryesuar nga nënadmirali Stelios Petrakis  pati me familjarët e të rënëve në betejën epike 1940-41 në malet e Shqipërisë.

Një detyrë e lodhshme që filloi janarin e kaluar, pas një varri masiv që u gjet në ngushticën e Këlcyrës. Kërkimi i eshtrave do të vazhdojë edhe në vende të tjera, sipas një hartë përkatëse që autoritet kanë në dispozicion.

Rreth dy vite më parë, kryebashkiaku i Tiranës, Erion Veliaj, u premtoi qytetarëve të Tiranës se 5 kullat te diga e Liqenit Artificial nuk do të ndërtohen. Veliaj deklaroi se bashkia ka disa plane që do të pengojnë ndërtimin e tyre.

Por sot, rreth dy vite më vonë, premtimet e Veliajt duket se kanë qenë retorikë, pasi që prej 3 prillit kur Gjykata Administrative e Apelit dha vendimin në favor të bashkisë dhe kompanisë "Gener 2", punimet kanë rinisur dhe po vijojnë me shpejtësi për të fituar edhe kohën e humbur nga seancat gjyqësore.

Partia opozitare e VMRO DPMNE në Maqedoni zhvilloi një mbledhje të madhe anti-qeveritare në Shkup. Kreu i saj, Hristo Mickovski bëri thirrje për zgjedhje të parakohshme dhe paralajmëroi aksione kundër ndryshimit të emrit.
"Le t'i ndalojmë para se të jetë tepër vonë, duhet të bëjmë zgjedhje të parakohshme në të njëjtën kohë me ato presidenciale, të formojmë një qeveri teknokratike 100 ditë përpara sondazheve dhe le të shohim nëse njerëzit pajtohen me atë që Zoran Zaev dhe partia e tij po bëjnë",- tha Hristian Mickovski .

Për ambasadorin amerikan në Athinë,  Geoffrey Pyatt pozita gjeostrategjike e Greqisë në rajonin e Mesdheut dhe Ballkanit është me rëndësi për stabilitetin, sigurinë dhe prosperitetin në rajon. Në Forumin e Bashkëpunimit të Ballkanit dhe Detit të Zi, Pyatt foli për një strategji afatgjatë të mbështetjes amerikane për rimëkëmbjen ekonomike të Greqisë.

Me ndërhyrjen e patriarkun ekumenik Bartolomeu, Kisha Maqedonase ka kërkuar që të kthehet nën emërtmin "Kryepeshkopata e Ohrit" dhe të vendoset nën juridiksionin e Patriarkanës së Stambollit.

Ky konsiderohet një hap i rëndësishëm për daljen e saj nga izolimi i futur që prej vitit  1967, kur Kisha Orthodhokse Maqedone shpalli Autoqefalinë e vet ndërkohë që Maqedonia ishte pjesë e Jugosllavisë.

Facebook po përballet me akuza të reja, pas skandalit të rrjedhjes së të dhënave personale të Cambridge Analytica. Sipas padisë së bëra nga Qendra Evropiane e të Drejtave Digjitale, punonjësit e Facebook injoruan dispozitat e miratuara dhe manipuluan përmes njoftimeve të rreme përdoruesit e tyre që të pranonin me nxitim kushtet e tyre.

Presidenti serb Aleksandër Vuçiç ka marrë përsipër të bindë popullin e tij se çështja e pavarësisë së Kosovës është e mbyllur. Në një intervistë për të përditshmen serbe “Novosti”, flet me një keqardhje për sedrën e lënduar të serbëve, të cilët do të ngrihen mbi “dhimbjen” për të fituar diçka tjetër, ndoshta statusin e të privilegjuarit.

Lirimi i Saimir Tahirit përveçse i paralajmëruar lidhet me disa koiçidenca që e bëjnë edhe më të dyshimtë vendimin e Gjykatës së Apelit të Krimeve të Rënda. 

Kështu treshja gjykuese e kryesuar nga Saida Dollani, Sokol Binaj dhe Fehmi Petku, që shfuqizuan arrestin e shtëpisë për ish-ministrin e Brendshëm, është po e njëjta trupë që dhjetorin e kaluar i zhbllokoi pasaportën Tahirit. 

Heqja nga kioskat e posterave të revistës revistës franceze “Le Point” ku reklamohej kopertina me titull "Diktatori". Deri ku do të arrijë Erdogan? " ka ngjallur reagimin e ashpër të presidentit Makron.

"Është absolutisht e papranueshme të hiqen posterat e revistës Le Point nga kioskat e gazetave me arsyetimin se nuk u pëlqen armiqve të lirisë në Francë, dhe jashtë saj. Liria e shtypit nuk ka çmim: pa të, është një diktaturë"-shkruajti Makron në Twitter.

Një gjykatë e arreston, tjetra e liron. Çështja Tahiri po ecën sipas parashikimeve, ku politika duhet të duket e distancuar nga drejtësia, e cila vepron e pavarur. Që prej nisjes së hetimit kundër tij, Gjykata e Krimeve të Rënda vendosi si masë sigurie bllokimin e pasaportës së ish-ministrit, por kjo masë u rrëzua më vonë nga Gjykata e Apelit të Krimeve të Rënda. Tani është po Apeli i Krimeve të Rënda që shfuqizoi masën e sigurisë “arrest shtëpie” për ta hetuar në gjendje të lirë.