Blloku Ekonomi

Në zonën e Astirit në Tiranë po protestohet prej disa ditësh kundër prishjes së afërt të banesave apo objekteve të tjera që preken nga ndërtimi i Unazës së Madhe. Banorët thonë se do mbrojnë  shtëpitë e tyre, disa prej të cilave janë të palegalizuara.

Zona në fjalë është ndër ato që u urabanizuan më shpejt dhe pa rregull. Në këtë protest po bëhet pjesë edhe Partia Demokratike. Sot p.sh kreu i saj, Lulzim Bash aka shkuar për një takim me banorët. Të cilët ose janë militantë të PD-së, ose duan të përdoren.

Ministri i Infrastrukturës i pranishëm në një konferencë mbi çështjet e ujit të organizuar nga Bashkia e Tiranës dha një shifër interesante që shpjegon edhe arsyet pse Erion Veliaj futi duart në faturat e ujit, duke rritur çmimin për banorët e kryeqytetit.  

Ministri i Financave zbuloi sot sesi legjislacioni shqiptar  është përshtatur për disa investitorë të mëdhenj që e kanë patur fushë me lule aktivitetin në Shqipëri, falë edhe qeverisë ku bën pjesë zoti  Ahmetaj. Ministri përmendi rastin e kompanisë Banker’s duke thënë se nga shitja e aksioneve të saj jashtë vendit Shqipëria nuk përfitoi asgjë.

Teksa po shkojnë duke u mbyllur punimet për stadiumin e ri Arena Kombëtare, Fderata Shqiptare e Futbollit paralajmëron se do të çojë në gjyq Ministrinë e Financave, pasi sipas FSHF-së Komisioni i Apelit refuzon të rimbursojë TVSH-në për pjesën e investimit të kryer nga FSHF në stadiumin “Arena Kombëtare.

Kjo do të thotë  sipas Federatës se këtij investimi i mungojnë afërsisht 2 milionë Euro dhe se praktikisht përfundimi i punimeve të stadiumit vihet seriozisht në pikëpyetje.

Zyra për shtyp e kryeminsitrit shpërndau këtë të premte një material mbi inspektimin që kryeministri Rama u bëri punimeve për ndërtimin e urave, mbikalimeve dhe viadukteve në Rrugën e Kombit. 

Mbi ecurinë e punimeve u informua nga drejtori i ARRSH-së, pasi investimet për përfundimin e punimeve po bëhen me paratë e buxhetit, ndonëse rruga është marrë në dorëzim nga konçesionari. Qëndro flet për një volum të mëdha punësh të pambaruara që shteti ka marrë përsipër t'ia bëjë gati konçesionarit.

Sot kryeministri Edi Rama ka marrë përsirpër të mbrojë edhe vendimin për ndalimin  importit të nakinave që janë prodhuar para vitit 2009. Përmes një materiali video, Rama thotë se vendimi niset nga motivet për të luftuar ndotjen. Dhe për këtë jep disa shifra ku bie në sy shifra se 80% e makinave janë Euro 3. Makinat Euro 3 quhen makinat që janë prodhim i vitit 2000, pra që kanë më shumë sesa 15 vjet që janë prodhuar.

Vitet e fundit Shqipëria ka përjetuar situata të vështira si pasojë e përmbytjeve nga reshjet. Bastit edhe për këtë vit nuk i dihet, megjithatë qeveria nuk është se i ka kushtuar ndonjë vëmendje të veçantë riskut që shumë zona të fundosen sërish nën ujë.

Në një pasqyrim që i ka bërë ndarjes së findeve për vitin që vjen “shqiptarja. com” shkruan se është i pashpjegueshëm një pakësim fondesh në masën 36.4 për qind në sektorin e Emergjencave Civile, dejtori që mbulohet nga Ministria e Mbrojtjes, e cila do ketë një rritje me 6.1 për qind në krahasim me vitin e kaluar.

Në Ministrinë e Mjedisit dhe Turizmit po diskutohet një tjetër vendim i rëndësishëm që ka lidhje me qarkullimin e automjeteve. Në një intervistë për Televizionin Tema, drejtori pranë Ministrisë së Mjedisit, Pëllumb Abeshi, u shpreh se kontrolli teknik i automjeteve mund të bëhet më shumë se një herë në vit

Autostrada Tiranë Durrës është një nga akset që vitin e ardhshëm pritet të bëhet me pagesë. Ajo është përfshirë në katër kontratat e reja koncensionare në infrastrukturën rrugore dhe aeroportuale. që qeveria pritet të nënshkruajë.

Dy të tjerat janë autostrada Kashar-Rrogozhinë me 84 miliardë financim ose 660 milionë euro, kontrata e koncesionit për aeroportin e Vlorës parashikohet te financohet me PPP me 14 miliardë lek ose rreth 110 milionë euro dhe Aeroporti i Kukësit me një vlerë 884 milionë lekë ose rreth 5 milionë euro.

Buxheti i shtetit po ngarkohet me fatura të papërballueshme të cilat po lindin nga koncesionet në shëndetësi. Për vitin 2018-ë, kostot shtesë të koncesionit të instrumentave kirugjikalë të sterilizuar janë shtuar me 40% më shumë se sa plani që ishte hartuar fillimisht nga qeveria.