Blloku Ekonomi

Sot mediat raportuan një statistikë zyrtare që na thotë se eksportet me Kosovën ranë me 25% në periudhën janar – nëntor 2016. Ndërsa importi, sipas Institutit të Statistikave, pësoi rritje me vetëm 3%. Këtë të dhënë që reflekton realitetin ekonomik e tregëtar mes dy vendeve, televizoni Top-Channel i jep një ngjyrim me karakter politik duke kërkuar prononcimet e drejtuesve të Dhomave përkatëse të Tregëtië.

Përballja mes Prokurorisë dhe Inspektoriatit të Lartë të Deklarimit dhe Kontrollit të Pasurisë dhe Konfliktit të Interesit duke se ka shkuar në favor të këtij të fundit. Kësja I do shtuar edhe se të humburit jemi ne të gjithë. Prokuroria kishte nisur një hetim për shpërdorim detyre ndaj ILDKPI-së pas dyshimeve se në dy vitet e fundit nuk u verifikua pasuria e asnjë zyrtari të lartë. Një hetim kryesisht ky pa ndonjë fakt. Në dy shkallët e para kërkesa e Prokurorisë për të sekuestruar serverat e ILDKPI-së u hodh poshtë, çka ka çuar organin e akuzës të bëjë rekurs në Gjykatën e Lartë.

Vaksinat antigrip vijnë nga kina por kanë efekt. Kështu ka sqaruar Instituti i shëndetit publik, ndërsa shton se vaksinat janë donacion për shtetin shqiptar nga një organizatë shëndetësore amerikane.

Konkluzionin përfundimtar se kush është përgjegjës për lëkundjet që shkaktohen në zonën e Zharrëzës do ta japë një ekspert ndërkombëtar. Grupi i punës i kryesuar nga zv/kryeministri Niko Peleshi do të zhvillojë një mbledhje për të vendosur ecurinë e kësaj çështjeje raporton Tv Klan.Burime zyrtare thanë se auditimi i gjithë proçesit do t’u lihet në dorë ekspertëve të pavarur ndërkombëtar.

Deputeti Ben Blushi ka bërë një parashtrim sesi po shfrytëzohet pasuria naftëmbajtëse e Shqipërisë, nga interesa që sipas tij i devijojnë përfitimet në kompani të huaja dhe xhepat e qeveritarëve shqiptarë.

Në  nje status ne rrjetet sociale Blushi shkruan se Shqipëria përfiton afro 2 per qind te GDP, apo 200 milion euro ne vit, punëson më pak se 1 për qind të punëtorëve tanë në këtë sektor,prodhon dy herë më pak se në vitet kur nxirrte 2,5 milion ton në vit, shkakton më shumë tërmete në një muaj se natyra në dhjetë vjet dhe e paguan naftën më shtrenjtë se çdo europian tjetër.

Byroja Shqiptare e Sigurimit nuk i bindet Autoritetit të Mbikëqyrjes Financiare për të bërë auditin e mënyrës se si  Fondit i Kompensimit ka bërë pagesat për aksidentet. Në një urdhër të nxjerrë nga bordi i Autoritetit të Mbikëqyrjes Financiare, Byrosë i lihej afat deri në fund të tetorit për të përzgjedhur një kompani ndërkombëtare e cila do të kontrollonte veprimtarinë e Byrosë që lidhej me pagesën e dëmeve ndaj palëve të treta.

Numri i kompanive private që nuk kanë paguar detyrimet në kohë ndaj organeve taimore është rritur në vitin 2016. Gjatë vitit që sapo u mbyll janë shtuar edhe 5 mijë debitorë të rinj në organet tatimore, duke arritur një total prej 19.834 subjekte në listën e debitorëve. TemaTv

Autoriteti i Mbikëqyrjes Financiare ka informuar Grupin e Stabilitetit Financiar këtë të enjte me situatën më të fundit të tregut online. Në realitet, përveç dy subjekteve të licencuara për tregtimin online, janë me dhjetëra të tjera që nuk kanë lejet përkatëse dhe ushtrojnë aktivitet në mënyrë të jashtëligjshme.

Qeveria ka bërë një hap mbrapa për ligjin e mbetjeve. Pas një zvarritjeje nga Kuvendi në shqyrtimin e dekretit të Presidenti që kthente ligjin e miratuar, me gjasë si shfaqje e presionit të LSI-së, komisioni përkatës, ai i Veprimtarive Prodhuese, ka vënë në lëvizje procesin e rishikimit. 

Qeveria ka në plan të nxjerrë jashtë qarkullimit makinat e prodhuara para vitit 2000, në rast se pronarët e mjeteve nuk marrin masa për arritjen e standardit euro 3  brenda korrikut të vitit të ardhshëm. Projektvendimi i përgatitur nga Ministria e Mjedisit në bashkëpunim me Ministrinë e Transporteve dhe Ministrinë e Ekonomisë propozon që brenda 1 korrikut të 2017-s, të gjitha makinat e prodhuara para vitit 2000 që qarkullojnë në vend duhet të plotësojnë standardin Euro 3.