Blloku Ekonomi

Autoriteti i Komunikimeve Elektronike dhe Postare ka propozuar ulje të tarifave të interkoneksionit mes operatorëve celularë. Për këte arsye, thirrjet telefonike mes kompanive të ndryshme pritet të kushtojnë më lirë vitin e ardhshëm.

Një nga praktikat më të shumëdiskutuara që ka ndjekur qeveria në investimet publike është ajo e dhënies së shërbimeve me konçesion, jo më shumë për bashkëpunimin me sektorin privat sesa për klientelizmin që ka shoqëruar këtë proces. Gjithsesi qeveria duket e vendosur të mos heq dorë nga kjo praktikë madje të shtrijë bashkëpuniumin përtej fashës vendase të biznesit, duke operuar madje edhe me kritere politike në përzgjedhjen e investitorëve të huaj që do të marrin në dorë shërbimet apo punët publike.

Nga janari i këtij viti çdo familje në kryeqytet u detyrua të paguajë 1800 lekë në vit si taksë për infrastrukturën arsimore ndërsa biznesi  derdhi në arkën e bashkisë nga 18 mijë në 37 mijë lekë në vit. Thuajse një vit nga ky vendim i Këshillit Bashkiak, Bashkia e Tiranës pranoi për herë të parë publikisht se Taksa e Infrastrukturë Arsimore u vendos për të financuar një koncesion me vlerë mbi 6.2 miliardë lekë ose rreth 46 milionë euro, deri më tani i mbajtur i fshehtë.

Me marrëveshjen e re që qeviria Shqiptare ka nënshkruar me konsorciumin TAP, vendi ynë do të përfitojë rreth 80 milion euro më shumë se në kontratën e parë, si dhe rikualifikim urban të zonave ku do të zhvillohet ky projekt.

“Bloomberg” i ka lënë sot një vend pronocimit të njërit prej drejtuesve të kompanisë franceze, “Engie SA”, Thierry Lepercq.  Fjala është për goditjen fatale që pritet të marrë industria globale e hidrokarbureve nga inovacioni dhe burimet alternative të energjisë. Sipas Lepercq çmimi i naftës brenda një dekade do të shkojë në 10 dollarë për barrelë në kushtet e një dinamike tregu që menaxheri francez i quan cunami i industrisë.

Gjatë mbledhjes së sotme të Komisionit Hetimor Parlamentar për marrëveshjen e zgjidhjes me mirëkuptim të konfliktit mes Qeverisë së Shqipërisë dhe CEZ a.s. kanë dalë në dritë të dhëna që faktojnë qëndrimet kontradiktore të avokatit të caktuar nga ish-kryeministri Sali Berisha. Deputetët e Partisë Demokratike lexuan disa e-maile ku shfaqeshin rezerva në lidhje me përmbajtjen e një memorandumi që përbënte një dokument të shprehjes së vullnetit për zgjidhjen me mirëkuptim të konfliktit.

Kryeministri deklaroi sot në komunikimin e tij javor se qeveria do të falë kamatëvonesat e energjisë elektrike për pensionistët. Kryeministri ka bërë të ditur madje se i kanë dhënë uratën për këtë akt, që bën pjesë në atë që quhet paketa e solidaritetit, e cila konsiston në falje dhe shpërblime për shtresat në nevojë.

Këto ditë është bërë e njohur se Bashkia e Tiranës do të ndërhyjë për të rregulluar administrimin e pallateve. Për këtë disa koordinatorë të saj do të jenë në terren për të realizuar zgjedhjen e administratorëve të palleteve me një asamble që do të përbëhetn nga  5 anëtarë.

Së pari duhet thënë se Bashkia po ndërhyn në një proces të cilin duhet ta rregullojë ligji, e mandej të jenë vetë banorët që zgjedhin administratrin.

Mbikqyrja “online” e industrisë së kumarit do të kryhet nga një kompani private. Pas vendimit të Këshillit të Ministrave në shtator, që i hapi rrugën këtij procesi, Ministria e Financave ka shpallur publikisht tenderin për ndërtimin, operimin dhe mirëmbajtjen e sistemit qendror të monitorimit “online” për industrinë e lojrave të fatit. Sipas njoftimit, data përfundimatare e dorëzimit të ofertave do të jetë 12 janari i vitit të ardhshëm, ndërsa afati i kontratës është 30 vjet. Më parë, qeveria ka përcaktuar edhe kriteret për kompanitë që lejohet të marrin pjesë në tender.

Kur vjen puna për afera, koalicioni i majtë funksionon shumë mirë. Ministria e Drejtësisë që drejton Ylli Manjani ka publikuar një dokument të dërguar nga ministri Lefter Koka për dhënien me koncesion të ndërtimit të impiantit të djegies së plehrave të kryeqytetit në Sharrë. Koncensioni i cili parashikohet të zgjasë 30 vjet, është dërguar për mendim ministrave Ylli Manjani, Arben Ahmetaj, Milva Ekonomi, Ermonela Felaj dhe Damian Gjiknuri.

"TematTv"