Blloku Ekonomi

Qeveria shqiptare rrezikon të paguajë një faturë të kripur për kompensimin e 82 dosjeve për kompensim prone në Gjykatën Strasburgut. Myrshit Vorpsi nga Shoqata Pronësi me Drejtësi pohoi se Gjykata e të Drejtave të Njeriut nuk ka pranuar kërkesën e qeverisë shqiptare për të kompensuar dosjet në proces në bazë të zërit kadastral 1944, ku toka truall kompensohet si tokë bujqësore. Gjykata ka kthyer kërkesën e qeverisë shqiptare për të paktën pesë dosje dhe nuk ka pranuar versionin e saj për kompensimin duke sjellë shumë pranë një kolaps fiskal.

Rreth grabitjes më të fundit në Rinas, ka reaguar sot edhe Konfindustria, e cila ka tërhequr vëmendjen drejt rolit rregullator të Bankës së Shqipërisë. Kjo e fundit duket se ka fshehur kokën si struci për shumë nga dukuritë e sistemit bankar, ndërkohë që edhe për çështjen e transportit të parave, dje u mor vesh se Shoqata e Bankave ka 7 muaj që ka kërkuar standardizimin e sigurisë nga autoritetet. Çfarë ka bërë Banka e Shqipërisë për këtë çëhtje? Pak ose aspak po t’i besojmë Konfindustrias që thekson se BSH duhet të mos flejë në këmbë po të bëjë diçka. 

Në hijen e skandalit me ambasadorin amerikan Donald Lu dhe ndërhyrjet e tij për pushimin e hetimeve ndaj kompanisë Bankers, Grupi i Punës i ngritur me urdhër të kryeministrit Rama ka dalë me një raport "të bardhë" mbi lëkundjet në fshatin Zharrës.

Mustafa Nano është fokusuar sot në emisionin "Zululand" tek investimi i shumëdiskutuar mbi portin e Karpenit. Nano ka bërë një rezume të historisë së këtij projekti, të cilën gjatë gjithë emisionit e ka parë me dyshim duke ngritur pikëpyetje.

Emisioni “STOP” që transmetohet nga e hëna në të premte në ekranin e Televizionit Klan, solli këtë të martë nëpërmjet kamerës së fshehtë, sesi mund të rilidhet energjia duke paguar disa para në dorë. Grupet e kontrollit të OSHEE-së kanë shkëputur energjinë në një lavazh automjetesh, për shkak të faturave të papaguara.

Por inspektori i zonës afër Freskut, Hysen Nika, të takon me shefin dhe “bujaria” e këtij të fundit ta zgjidh hallin. Kamera e fshehtë e “STOP” tregon hap pas hapi këtë moment.

Sistemi energjetik mbetet ende vulnerabël në drejtim të garantimit të cilësisë dhe kostos së shërbimeve ndaj qytetarëve. Kontrolli i Lartë i Shtetit konstaton se  “sistemi energjetik gjendet prej kohësh në një krizë financiare të trashëguar nga periudhat e mëparshme. Ai ka një mungesë të theksuar efiçense, si rezultat i detyrimeve të akumuluara midis shoqërive publike të sektorit dhe kredive të shumta të marra për përballimin e kësaj krize”.

Brenda këtij viti hotelet shqiptare do të klasifikohen me yje, por jo sipas dëshirës së pronarëve por referuar standardeve europiane. Tashmë ka nisur procesi i vetdeklarimit të këtyre hoteleve e më pas do të bëhët çertifikimi i tyre. Zak Topuzi, Kryetar i Shoqatës së Hotelerisë rrëfen ecurinë e procesit, problematikat që hasin dhe nevojën për politika lehtësuse nga shteti për industrinë e turizimit.

Qeveria anonçoi programin për investimeve publike përmes Partneritetit Publik Privat në vlerën e 1 miliardë dollarëve. Bëhet fjalë për një numër veprash publike në infrastrukturën rrugore, shkolla dhe qendra shëndetësore ekselence që siç tha kryeministri do të ndërtohen në harkun kohor të 2-3 viteve. Lista e plotë e priroteve nuk është bërë publike, por pritet t’u dorëzohet bizneseve që të përgatisin projektet.

Partia Demokratike ka depozituar kallëzim penal për ministrin e Shëndetësisë, Ilir Beqaj lidhur me konçesionin e check-up. Akuza është sipas AbcNews, “shpërdorim detyre dhe korrupsion, me anë të një kallëzimi që është bërë pa emër.

Tenderi ndërkombëtar për të dhënë me koncesion për 99 vite zonën e lirë tekonologjike të Spitallës ka dështuar për herë të dytë, por kësaj here pa shumë bujë. Në bazë të dokumentacionit, ministria e Zhvillimit Ekonomik dhe Sipërmarrjes, ka hapur ofertat në datën 23 dhjetor të vitit që shkoi, por asnjë kompani nuk ka paraqitur interes. Burimet pranë kësaj ministrie thonë se Komisioni i Vlerësimit të Ofertave është mbledhur në ambientet e ministrisë në orën 10.00 të kësaj date, dhe pasi ka pritur disa orë, është shpërndarë.