Blloku Ekonomi

Së shpejti në qeveri do të mbërrijë propozimi  për standardin Euro në flotën e automjeteve që qarkullojnë në vend. Kjo u bë publike nga ministri i Mjedisit, Lefter Koka gjatë një interviste për News 24, ku sipas tij 48% - 60% e ndotjes së ajrit në vend vjen nga automjetet

Në mbledhjen e fundit të qeverisë, ditën e mërkurë më 7 dhjetor qeveria vendosi për “Miratimin e bonusit në procedurën përzgjedhëse konkurruese, që i jepet shoqërisë “Integrated Energy B.V.”për dhënien me koncesion për ndërtim landfilli e inceneratori dhe rehabilitim të venddepozitimeve ekzistuese, Tiranë”.

Dekreti i Presidentit që rrëzon ligjin është dërguar në Parlament me 14 tetor dhe sipas përllogaritjeve ligji duhet të ishte shqyrtuar në Komisionin e Veprimtarive Prodhuese brenda kësaj jave.
Kryetari i Kuvendit, Ilir Meta e ka çuar ligjin për shqyrtim menjëherë dhe ai është programuar në kalendarin 3 javor të punimeve që me datën 24 nëntor.
Të kontaktuar nga Televizioni Klan, burime zyrtare të shërbimeve në seancën e Kuvendit shprehen se deputetët nuk e kanë përmbushur detyrën e përcaktuar në rregullore për këtë rast.

Albetrol, kompania shtetërore e naftës, ka vënë nën sekuestro për shkak të detyrimeve të pashlyera, 25 prona të ARMO-s mes të cilave troje, linja teknologjike Rafinerisë së Fierit dhe objekte.

Lajmi bëhet i ditur nga “Report Tv” sipas të cilit akti i sekuestros është ndërmarrë më 30 nëntor të këtij viti.

Qytetarët shqiptarë kanë kulturë të dobët fnanciare, ndaj rreth 47 % e popullsisë preferon t'i mbajnë paratë në shtëpi sesa ti çojë në bankë. Ky konkluzion ka dalë nga një studim I Bankës Botëore, ku sipas tyre pupullsia e Europës Juglindore ka preferencë të ulët për t'i depozituar paratë në sistemin bankar.

TemaTv

Suprizat që shfaq herë pas herë Partia Socialiste me nismat ligjore si ajo për importin e mbetjeve apo së fundmi atë për shtyrjen e hyrjes në fuqi të ligjit të ri për lojrat e fatit kanë për dirigjent ministrin e ri të Financave, Arben Ahmetaj dhe miratues kryeministrin e vendit. Pa dhënë shpjegime në publik, kjo dyshe sajoi një kërkesë formale të 6 deputetëve për të motivuar shtyrjen e ligjit në fjalë që përcakton zhvendosjen e kazinove larg qendrave të banuara dhe vendos një distancë për pikat e basteve sportive dhe bingove.

Rendi i ditës në komisionin e shëndetësisë ditën e hënë pa dy seanca dëgjimore, përkatësisht një me shoqatën e teknikëve të mjeksisë laboratorike, si dhe një me Ministrin e Shëndetësisë Ilir Beqja, lidhur me të ardhmen e sistemit laboratorik publik nën dritën e partneritetit publik-privat.

Shqipëria ka një shkallë punësimi për gratë mbi 50 %, duke shënuar njërin nga dy vendet e zgjerimit me shkallë punësimi mbi këtë normë. Sipas raportit të Eurostat, Zyra e Statistikave të Bashkimit Europian, shk

Alarmi për perspektivën e kompanive Call Center ku janë të punësuar rreth 25 mijë të rinj ka vënë në lëvizje qeverinë shqiptare që është takuar me përfaqësues të këtij biznesi. Kryetari i shoqatës së Call Center në Shqipëri, Gentiam Drenova deklaroi se disa kompani janë tërhequr nga investimet e planifikuara. Por Ministri i Mirëqenies Sociale dhe Rinisë deklaroi se qeveria shqiptare do të negociojë me Italinë në mënyrë që ligji i ri që pritet të miratohet në Senat brenda muajit dhjetor të ketë sa më pak ndikim në aktivitetin e kompanive në Shqipëri.

Projektligji për buxhetin e shtetit të vitit 2017 është miratuar sot në orët e para të mëngjesit me votat e shumicës qeverisëse. 16 orë diskutim në seancë plenare nuk sollën ndonjë pajtim mes palëve, të cilat përherë votojnë kundër buxhetit të njëra-tjetrës. Projektligji është miratuar në parim me 82 vota, ndërkohë që opozita, Partia Demokratike, ka braktisur seancën në momentin e votimit.