Blloku Bota

Hungaria do të marrë presidencën e radhës të Këshillit të BE-së në korrik të këtij viti. Megjithatë, shtetet anëtare kanë nisur të diskutojnë mundësinë e heqjes së të drejtës së votës.

Ministrja e Jashtme belge, Hadja Lahbib, tha se BE-ja duhet t'i heqë Hungarisë të drejtën e votës për të mbrojtur të ardhmen e unionit.

Belgjika, e cila ka aktualisht presidencën e BE-së, është njëra prej vendeve anëtare që shprehin zhgënjim për kundërshtimin e Hungarisë ndaj planeve kyçe të BE-së – duke përfshirë mbështetjen për Ukrainën në konfliktin me Rusinë.

Korea e Jugut ka vendosur të pezullojë paktin e reduktimit të tensionit me Phenianin. Sipas qeverisë koreane shkak për rikthimin e të gjitha aktiviteteve ushtarake dhe joushtarake në vijën e demarkacionit është regjimi koreanoverior që ka refuzuar të zbatojë marrëveshjen në fjalë. Ajencia “Yonhap” raporton se dokumenti përkatës pë rivendosjen e gjendjes së gatishmërisë, përfshirë përpunimin propagandistik, do të duhet të firmoset nga presidenti Yoon Suk Yeol.

Dhoma e Lartë e Parlamentit të Zvicrës hodhi poshtë një kontribut prej 5 miliardë frangash zvicerane (5.58 miliardë dollarë) për Ukrainën, të përfshirë në një paketë më të gjerë financiare, me arsyetimin se plani shkel kufizimet e huamarrjes në vendin neutral.

Me 28 vota kundër dhe 15 pro, ligjvënësit votuan kundër paketës prej 15 miliardë frangash, e cila përfshinte gjithashtu 10.1 miliardë franga financime shtesë për forcat e armatosura të vendit.

Rajoni i Belgorodit në Rusi është objektivi i parë drejt të cilit janë lëshuar nga Ukraina armë perëndimore. Sulmi i parë (ose të paktën: sulmi i parë zyrtar) me Himars - raketa me rreze të gjatë - që kur SHBA dha autorizimin (bashkë me të edhe Britania e Madhe, Franca dhe Gjermania) është kryer ndaj një bateri të sistemeve ruse të mbrojtjes ajrore S-300/S-400.

Në prag të krijimit të qeverisë së re në Maqedoninë e Veriut, drejtuesi i Bashkikimit Demokratik për Integrim, Ali Ahmeti, ka nisur të ankohet dhe të paralajmërojë për bashkëjetesën. Sipas Ahmetit qeveria e re është monoetnike dhe nuk ka legjitimitet. 

Megjithatë z. Ahmeti nuk e ka quajtur qeverinë e re mes VMRO dhe Vlen si jolegale apo antikushtetuese çfarë lë të kuptohet se z. Ahmeti ka kapur pozicionin e moralizuesit pas gati dy dekadash në pushtet me të gjitha partitë sllave. 

Ministria palestinezë e Shëndetësisë njofton se që nga nisja e konfliktit në Gaza, në enklavë ka patur 36 439 viktima dhe 82 627 të lënduar. Një shifër rekord nëse konsiderohet se konflikti nisi më 7 tetor 2023.

Shifa në fjalë mbështet një politikë ndërkombëtare ndaj Izraelit që synon të ngrejë padi për krime kundër njerëzimit, e nëse vazhdohet kështu, edhe për genocid. Aktualisht Izraeli ka hyrë në Rafad he ka deklaruar se nuk mund të ketë paqe pa shkatërrimin përfundimtar të Hamasit.

Organizata Botërore e Shëndetësisë ka vendosur të shtyjë edhe me një vit diskutimet mes vendeve anëtare për një marrëveshje globale mbi pandemitë. Afati i vendosur për arritjen e konsensusit nuk duhet të kalojë majin e vitit 2025 kur edhe mbahet Asambleja vjetore e OBSH-së.

Greqia ka prezantuar kërkesën e vet për rikthimin e skulpturave të Parthenonit para një paneli të UNESCO-s në Paris.

Skulpturat e Parthenonit dhe simbolizmit që ato përmbajnë janë pjesë integrale e trashëgimisë kulturore greke dhe identitetit kulturor grek

citohet të jetë shprehur delegacioni grek.

Administrata e presidentit Biden i ka dhënë leje Ukrainës të përdorë armët amerikane kundër objektivave në tokën ruse. Lajmin e konfirmoi një zyrtar i Departamentit Amerikan të Mbrojtje, për agjencinë ruse të lajmeve, TASS.

Një shprehje e Papa Françeskut, gjatë një takimi me dyer të mbyllura me priftërinjtë e rinj të Romës, po qarkullon në mediat italiane sot.  

Sipas faqes “Silere non possum”, ndërsa u këshillonte priftërinjve rishtarë të shmangin thashethemet në famulli dhe në kongregacione, papa është shprehur se “thashethemi është punë grash”.