Blloku Alternative

Ka "Air Force One", "Cadillac One", "Marine One". Por së fundmi shtohet edhe ky autobuz. 

Fotografia është një instrument i fuqishëm propagande, pasi ajo zëvendëson rolin e ikonës në memorien e përgjithshme. Në shekullin e 20-të ka shumë ngjarje, imazhe, portrete përfaqësuese dhe përfshirëse që janë kthyer në pikë kondensimi mes realitetit historik dhe pereceptimit emocional. Fotografitë e Çurçillit me puro, apo të Che Guevaras, imazhi i ushtarëve amerikanë në Ivo Jima, flamuri sovjetik në Berlin, këto dhe të tjera janë disa shembuj. Por jo përherë ajo që jepet është e vërteta.

25 mumje janë gjetur nga arkeologët në një kishë në fshatin Quinto, afrë Saragozës në Spanjë. Një prej tyre shëmbëllen shumë me autoportretin e piktorit të njohur Van Gogh, ndaj edhe është emërtuar me këtë emër: mumja Van Gogh. Gërmimi u krye në vitin 2014 dhe nga stduimet e deritanishme bëhet fjalë për persona që kanë jetuar në shekullin e 18-të dhe fillimin e shekullit të 19-të. Nga trupat e gjetur, 11 janë fëmijë, çka ka lënë dyshimin se bëhet fjalë për një epidemi. Mumifikimi natyral ka ndodhur për shkak të tokës shumë të thatë. 

Pesë vjet luftë, 4.8 milionë njerëz të zhvendosur nga Homs, Halepi, periferitë e Damaskut etj.. Kjo është vetëm një aspekt i luftës siriane që duket se nuk ka fund. Një set fotografish që japin një fragment nga ajo që ka ndodhu e po ndodh në Siri:

http://www.theatlantic.com/photo/2016/05/in-syria-more-than-five-years-o...

Nëse ndonjë ditë do të shkruhet historia e bunkerëve, si punim më vete ndaj historisë së fortifikimit, Shqipërië me të drejtë do të zërë një vend nderi. Këtë dhuratë e kemi nga regjimi i shkuar, që në fakt sintetizoi si investim konkret një psikozë të vjetër ndër shqiptarë.

Bunkerët e Shqipërisë kanë tërhequr vëmendjen e shumëkujt, madje të ekzagjeruar, por në çdo fotografi që përcillet , ata janë identikë në formën prej kupole të shtypur që i vishen terrenit si një lloj uniforme që po harrohet.

Frederiku i Madh, një hamshor në një fermë në Arkansas në SHBA, është bërë hit në Facebook, për pamjen dhe për faktin se disa e konsiderojnë edhe si të aftë për show. Nuk mungojnë edhe zëra që thonë se ai është seksi. Frederiku nuk kupton nga këto me siguri, as edhe që e quajnë I Madh., por ai gjithësesi mbetet një kalë i bukur. 

http://www.theguardian.com/world/2016/may/28/frederik-the-great-viral-ho...

Mundari, janë një fis në Sudanin e Jugut, që bëjnë një jetë të dedikuar pas gjësë gjallë, e cila është Lopa e Mbretërve - Ankole-Watusi. Një lopë kushton 500 dollarë dhe Mundari bëjnë roje me armë për t’i ruajtur.

Fotografi Tariq Zaidi, ka  kapur momente të jetës së këtij fisi, meshkujt e të cilit jetojnë me një dietë qumështi dhe kosi, lahen me urinën e lopës. Rrallë mund të vritet për mish një Ankole – Watusi. Ato janë garancia e jetës së këtij fisi, që ushqehet, por edhe kurohet me ndihmën e këtyre kafshëve.  

Piktorët janë edhe anatomistë të mirë të njeriut. Detajet janë pjesë e punës së tyre aq sa vijnë  “në ndihmë” edhe për mjekë që “diagnostikojën kanavacin”. Kështu një prej tyre, Hutan Ashrafian, kirurg në Imperial College London, thotë se në një pikturë të vitit 1768, quajtur “Një eksperiment mbi një zog në pompën me ajër”, me autor Joseph Wright, një nga personazhet ka një sëmundje të rrallë lëkure.

Fenikasit, të paktën kolonia e tyre në Kartagjenën e famshme, aty ku sot është Tunisi, ka gjasa të jenë me origjinë europiane. Përgjithësisht është menduar se fenikasit kanë origjinuar nga Libani i sotshëm dhe janë lidhur me popullsitë semite, por një rindërtim i genomit mitokondrial të një fenikasi të vjetër 2500, i quajtur si “Djaloshi nga Byrsa” apo “Ariche”, ka konfirmuar ekzistencën e një haplogrupi – grup genetik me paraardhës të përbashkët - shumë të rrallë europian që e lidh linjën amësore të tij me popullsi që kanë banuar sipas gjasave në gadishullin Iberik.

Kush dëshiron natyrën, me siguri që duhet të shkojë njëherë në Patagoni. Fotografitë e sjella nga Martin Bernetti, Mario Tama, walter Diaz dhe Juan Mabromata, të “Getty”, përcjellin disa aspekte, copëza të madhështisë së këtij rajoni mes Kilit dhe Argjentinës.

http://www.theatlantic.com/photo/2016/05/a-trip-to-patagonia/483165/