Blloku Alternative

Limani Lundrues është një vepër e artistit bullgaro-amerikan, Kristo, e cila është realizuar në liqenin Iseo afër Breshias në Itali. Ajo do të jetë e hapur nga 18 qershori deri më 3 korrik dhe siç shihet në foto u lejon njerëzve të ecin “mes përmes ujit”. Një pasarelë 5 km e realizuar me polietilene, mbuluar me neilon me ngjyrë të ndryshueshme dhe mbështetur mbi pontile të lundrueshëm. Për atë që kalon mbi të, me siguri që jep një ndjesi shumë të këndshme.

Fotot që paraqiten këtu janë realizuar vitin e kaluar nga Elton Gllava, fotograf me banim në Itali. Bulqiza, një vend i pasur, por i mbetur në kohë, me njerëz që për disa “përfaqëson një geto sociale”. Është një vend prej nga ku pak lajme pozitive dëgjohen. Autori ka dashur të evidentojë siç thotë vetë “arketipin” e mbetur në këtë rajon të Shqipërisë, duke e përcjellë dashamirësinë e vet edhe në fotografi, të cilat nuk e fshehin realitetin, por as nuk përpiqen te jenë aq reale sa ç'është Bulqiza e varfër në perceptimin tonë.   

200 vjet bordell. Kandapara është i dyti për nga madhësia në Bangladesh, një vend mysliman që e lejon prostitucionin. Kandapara ndodhet në distriktin e Tangail dhe është rindërtuar me ndihmën e një OJQ-je, pasi u shkatërrua në vitin 2014. Shumë femra që punojnë aty, kanë lindur dhe jetojnë në bordell. Sandra Hoyn sjell disa foto që janë dëshmi e asaj që ndodh në një shtëpi publike ku punojnë edhe vajza 12-14 vjeç, që i përkasin një “madame”. Ka që vijnë aty me dëshirë për të punuar, pasi në Bangladesh një mashkull nuk mund të kryejë marrëdhënie seksuale para martesës.

Këtë epitet e mori në vitin 1938 dhe qyteza në fjalë, apo fshati, trupëzon stilin portugez Manueline në kishat dhe godinat e veta. Por ato ngjajnë si shtojca të gurëve që duket se qyteza apo fshati, u ka zënë rrugën. 

Regjistrimet zanore dhe dosjet e gjyqit për Aushvicin në vitin 1963 janë në prag të pranimit në regjistrin e UNESCO-s, "Kujtesa e Botës" . Teknologjia e informacionit i bën dokumentet të aksesueshme në mbarë botën.

Stacioni Ndërkombëtar Hapësinor realizoi orbitimin e tij të 100,000 rreth Tokës në muajin maj të këtij viti. Në të kryhen disa ekspedita me afate kohore të caktuar. Aktuaisht në të ndohet ekuipazhi i përbërë nga astronautët Timothy Kopra, Yuri Malenchenko, Timothy Peake, Aleksey Ovchinin, Oleg Skripochka dhe Jeffrey Williams, që janë nga SHBA, Britania e Madhe dhe Rusia. Fotot janë realizuar prej tyre dhe paraqesin spektaklin e planetit tonë parë nga lart. 

Fotografitë e mëposhtme paraqesin kryeqytetin egjiptian, Kajro, mes viteve 1900- 1936. Për ata që e kanë vizituar qytetin, shumëçka, duket njësoj si në atë kohë. Kajro e vjetër p.sh, apo zonat e mbyllura rreth xhamive. Pamja nga kalaja e Saladinit është po ajo pak a shumë, përveç shumëkasheve që ngrihen anës Nilit. Një qytet i zhurmshëm, me pluhur dhe kaosin oriental mbi një qytetërim të lashtë dhe madhështor.

Daniel Brown, një programues në Londër, ka përdorur një softuer të Projektimit Gjenerativ, i cili përdor një algoritëm për të dhënë produktin final. Brown e ka shfrytëzuar atë për të krijuar disa qytete dhe panorama “aliene”, struktura betoni të pazakonta, ku dallohet një dorë “jonjerëzore”. Çdo gjë merr shkas nga godina ekzistuese për të prodhuar këto “struktura” të reja: 

Kush ishte Shqipëria, vendi që u nda nga Bashkimi Sovjetik me potere të madhe? Këtë përpiqet të përcjellë për publikun perëndimor, Harry Hamm, gazetar për gazetat “Die Welt” dhe “Frankfurter Allgemeine Zeitung”. Fotografitë janë shkëputur nga libri i tij: “Kryengritës kundër Moskës: Shqipëria – kryeura e Pekinit në Evropë), Këln 1961” dhe riprodhohen nga albanmologu Robert Elsie në faqen e tij: www.elsie.de.

Albanologu Robert Elsie sjell sërish një album fotosh nga Shqipëria e viteve 1940-41-42. Autori i tyre është Vilibald Koleger (1910-1943), lindur në Grac të Austrisë, “një publicist austriak i kohës naziste”. Fotografitë janë marrë nga libri i tij “Rilindja e Shqipërisë”, Vjenë 1942, një vepër që Elsie e cilëson “propagandistike" dhe "në mbështetje të sundimit fashist italian në Shqipëri”.