Blloku Alternative

Nyakim Gatwech, është një modele nga Sudani i Jugut që u mëson njerëzve të mos kenë frikë nga e errëta. 24 vjeç, ajo është tashmë një ikonë e modës dhe jeton në Minneapolis, nuk druhet aspak për ngjyrën e lëkurës, që është e zezë e theksuar.

Ngjyra ime çokollatë është elegante. Kështu është ajo  që prezantoj…Një komb luftëtarësh

shprehet ajo në një nga fotot në Instagram.

Më tej ajo shpjegon se iu kërkua nga një shofer i Uber që të zbardhte lëkurën, kërkesë ndaj së cilës iu përgjigj me një të qeshur.

Pozitiv në testin antidoping u gjet atleti xhamajkan i stafetës 4x100, Nesta Carter, duke detyruar superstarin Usain Bolt të kthejë medaljen e artë të fituar në Lojërat Olimpike 2008 në Pekin.

Carter raportohet se ka përdorur stimuluesin e ndaluar Methylhexamine. Ai u përfshi në sportistët që u rishikuan për doping, ku u analizuan mbi 454 ekzemplarë nga Lojrat e Pekinit. Në shkallën e parë, IOC ka penalizuar ekipin xhamajkan me anulimin e medaljes së artë.

Japonia provokoi edhe njëherë reagimin e komunitetit ndërkombëtar për shkak të programit famëkeq të gjuetisë së balenave për "qëllime kërkimore". Sipas të dhënave nga Komisioni Ndërkombëtar të Vrasjes së Balenave, gjatë "hulumtimit" të programit 12 javor, janë vrarë  në total 333 balena, 152 meshkuj dhe 181 femra - prej të cilëve 122 ishin shtatzënë.

Gjermania është vendi që ka pranuar t’u japë statusin e azilantit shumë emigrantëve që kaluan kufirin e BE gjatë krizës së refugjatëve. Aq sa lulëzoi sllogani "Refugees Ëelcome" por nga ana tjetër pati edhe një rritje të mbështetjes për  ideologjinë naziste dhe partinë e krahut të djathtë AFD.

Palët më konservatore të krahut të djathtë, si p.sh. Bashkimi Kristian Social, shprehën shqetësimin për rritjen e numrit të refugjatëve muslimanë dhe emigrantëve, duke thënë se kjo valë ekstrakomunitarësh po kërcënon identitetin gjerman.

Gërmimet arkeologjike në gadishullin Taman në Rusinë jugperëndimore sollën në dritë një helmetë të lashtë korintase. Megjithëse dukshëm e konsumuar, pasi ka qenë nën tokë për më shumë se 2.500 vjet, zbulimi i saj është jashtëzakonisht mbresëlënës.

Sipas  Archaeology News Network, helmeta është bërë prej bronzi dhe i përket armatimit korintas, sepse "mbulon të gjithë kokën dhe qafën me përjashtim të syve dhe gojës, dhe kishte paragnathous".

850 ushtarë nga 11 vende, 19 anije dhe një ekip i zhytësish janë përfshirë në një operacion për pastrimin e detit të Estonisë nga municionet e Luftës së Dytë Botërore që kërcënojnë ekosistemin.

Për më shumë se 70 vjet,  miliona ton municione të luftës qëndrojnë të ndryshkura nën ujë. Vetëm në Detin e Veriut dhe Detin Baltik vlerësohet se ka mbi 1.6 milion ton municione të fundosura nën ujë. Me urdhër të aleatëve, ngarkesa të tëra municionesh u hodhën në det pas luftës.

Një muze unik që shërben si retrospektivë për periudhën e pushtimit gjerman në Kretë u ngrit nga vullnetarë dhe donacione në Ano Platanias, pranë Chanias, në ishullin grek. Muzeu është vendosur në bunkerin gjerman të përdorur gjatë betejës së Kretës në 20 maj 1941.

Kujtimet dhe një pjesë shumë e rëndësishme e historisë së asaj kohe janë "ringjallur" në një thellësi prej tetë metrash nën tokë , brenda tuneleve të gërmuara nga robërit e luftës  që ishin kapur gjermanët, të cilët përdorën tunelet për të magazinuar municion gjatë okupimit (1942-1945).

Përshkrime të hollësishme të torturave që  ushtarët britanikë kanë kryer ndaj guerrilëve qipriotë të organizatës nacionaliste  EOKA në vitet 1955-1959 kanë dalë në dritë. Gazeta “Metro” e Londrës  përmend praktikat e pretenduara të torturës, që tashmë posedohen nga gjykatat britanike.

Agjencia ruse e lajmeve “Sputnik” publikonte dje një shkrim relativisht të gjatë për Eli Cohen, ish-agjenti izraelit, që u ekzekutua nga autoritetet siriane për shkak të aktivitetit të tij të spiunazhit.

Lufta mbetet një skenar i padëshirueshëm, megjithatë nuk përjashtohet mundësia që ajo të ndodhë.  Kjo është arsyeja pse qeveria suedeze, bëri diçka prototipike në  përpjekje për të përgatitur njerëzit për më të keqen e mundshme. Ajo do të shpërndajë për 4.8 milionë familje një broshurë për rreziqet që lidhen me shpërthimin e një lufte të re.

Broshura përfshin llojet udhëzimeve që nga mënyra sesi qytetarët të dallojnë një lajm të rremë dhe si të përgatiten për ngjarjet ekstreme të motit apo dhe për sulme terroriste dhe pushtime ushtarake.