Të dhënat që Izraeli i injoroi: Hamasi planifikoi sulm gjatë Pashkës

Plani i Hamasin për sulmin ndaj Izraelit është shumë më i hershëm se data kur ai nisi. Grupi plaestinez me bazë në Gaza e kishte planifikuar sulmin gjatë festës hebraike të Pashkës, e cila ra më 5 prill të këtij viti, njoftoi të shtunën kanali 12 TV i Izraelit, thonë  burime të inteligjencës ushtarake.

Forcat e Mbrojtjes të Izraelit (IDF) e kishin pikasur sulmin e planifikuar, duke zbuluar shenjat e hershme të përgatitjeve të Hamasit, thanë transmetuesit ushtarë me njësinë e inteligjencës së sinjalit 8200. Të dhënat e shtynë Izraelin të rriste nivelin e saj të gatishmërisë, gjë që bëri që grupi palestinez të braktiste planin fillestar.

Pas kësaj, Izraeli i konsideroi paralajmërimet e inteligjencës si një alarm të rremë. Ndërsa Hamasi u përqendrua në sigurinë e brendshme dhe ua mbajti të fshehtë shumicës së anëtarëve të vet planet e mëvonshme, duke përfshirë inkursionin e riplanifikuar, i cili u zhvillua më 7 tetor.

Sipas raporteve të mediave izraelite, njësitë e vëzhgimit në kufirin me Gazën paralajmëruan IDF-në për stërvitje "të pazakonta" të Hamasit rreth tre muaj para sulmit të tetorit, por shqetësimet e tyre thuhet se u hodhën poshtë si "fantazi".

Të premten, Financial Times raportoi gjithashtu, duke cituar burime, se rojet kufitare izraelite kishin përpiluar një dosje të detajuar mbi sulmin e Hamasit në atë kohë dhe ia kishin paraqitur atë oficerit më të lartë të inteligjencës në komandën jugore, disa javë përpara se të ndodhte. Dokumenti thuhet se përmbante "paralajmërime specifike", përkatësisht plane për të thyer kufirin në pika të shumta dhe për të kapur vendbanimet lokale, sipas gazetës.

Më herët, gazeta izraelite Haaretz kishte cituar një ushtare anonime, e cila fajësonte seksizmin institucional në radhët e ushtrisë për mungesën e vëmendjes ndaj raportimeve të rojeve kufitare.

Sulmi i Hamasit i 7 tetorit mori jetën e rreth 1200 izraelitëve, kryesisht civilë. Jerusalemi Perëndimor u përgjigj me bombardime të forta të Gazës, të ndjekur nga një operacion tokësor. Sipas zyrtarëve në enklavë, numri i të vdekurve nga pala palestineze po i afrohet shifrës 15 mijë.