“Marrëveshja europiane për emigracionin, pas zgjedhjeve franceze”

Një marrëveshje përfundimtare mbi paktin e ri të migrimit në Evropë mund të arrihet menjëherë pas zgjedhjeve presidenciale franceze që do të mbahen vitin e ardhshëm. Në një intervistë për Euractive, nënkryetari i Komisionit të BE-së, Margaritis Schinas, thotë se propozimi për zgjidhjen e kësaj çështjeje u përgjigjet të gjitha problemeve.

Ne jemi shumë pranë zgjedhjeve gjermane, shpejt pas kësaj, ne do të kemi një proces prej disa muajsh për të formuar një qeveri që në thelb do të përkojë me fushatën zgjedhore për zgjedhjet presidenciale franceze. Unë e kuptoj që muajt e ardhshëm do të jenë shumë të vështirë për një marrëveshje përfundimtare, por unë besoj dhe jam optimist, që menjëherë pas zgjedhjeve franceze ne do të hyjmë në një proces shumë të shpejtë të konvergjencës dhe marrëveshjes përfundimtare.

Schinas kritikoi ata që luftojnë kundër paktit të migrimit duke thënë se është në interesin e forcave të qendrës së djathtë dhe të majtë për të mbështetur marrëveshjen.

Kundërshtarët më të qartë të propozimit të Komisionit për një marrëveshje të re mbi migracionin nuk janë vetëm ekstremi i djathtë eurofobik, por edhe e majta eurofobike. Dy skajet e spektrit politik në BE duan të përdorin migrimin për të thënë se Evropa nuk mund të zgjidhë problemet e njerëzve. Nuk është rastësi që në Francë, ne po shohim sulme kundër aktit nga Le Pen dhe Jean-Luc Mélenchon. Situata është e ngjashme në jugun evropian, ku ka zëra populizmi në të djathtë dhe të majtë që zhvlerësojnë nevojën për një marrëveshje evropiane. Ka zëra të tillë kryesisht në Itali por edhe në Greqi, Itali dhe Spanjë.

Javën e kaluar, Komisioni Evropian i ka kërkuar Greqisë të krijojë një mekanizëm "të pavarur" për të monitoruar dhe shmangur goditjet e emigrantëve në kufirin e tij, si kusht për të liruar një shtesë prej 15.83 milion € në fondet e migrimit të kërkuar nga Athina.

Schinas tha se pakti i ri i migrimit tashmë parashikon një mekanizëm të përhershëm për të monitoruar respektimin e të drejtave themelore në kufijtë e jashtëm të BE -së.