Nuk gjenden në tezga/500 mijë vaksina anti-CoVid-19 nga Kina me rastin e ditëlindjes së Vuçiç

Lideri kinez Xi Jinping ka vendosur të dërgojë në Serbi 500 mijë doza të vaksinës anti-CoVid-19, “Sinopharm”, dërgesë e cila sipas mediave serbe do të bëhet më 5 mars, kur është edh ditëlindja e presidentit Aleksander Vuçiç.

Nuk kuptohet se cili është çelësi i suksesit të Serbisë në këtë fushatë vaksinimi masiv ku edhe BE-ja ka mbetur pas, ndonëse prodhuesit janë kryesisht në Europë.

Ajo që kuptohet fare mirë është fakti se kur kryeministri i vendit tonë na thotë se vaksinat është vështirë t’i gjesh, në fakt po na thotë se ai nuk po i gjen dot dhe se për vaksinën ruse dhe kineze, as u kujtua të negocionte, sepse do të shitet si europiani i fundit.

Në fakt jetët po ikin, spitalet po mbushen dhe llafet e z. Rama po shtohen. Përditë. Për fat të keq z. Rama e ka ditëlindjen në korrik, që është shumë larg për të shpresuar edhe ne te mirësia e Xi Jinping, apo kortezia e Putinit për ndonjë dhuratë si kjo që po I bëhet Vuçiçit.