Oxfam kërkon falje për skandalin seksual në Haiti

Organiza Joqeveitare britanike Oxfam i kërkoi falje popullit haitian për skandalin seksual që përfshiu të punësuarit e saj, duke shprehur "turpin" dhe dorëzuar hetimin e brendshëm autoriteteve të Port-au-Prince.

Drejtori i përgjithshëm i Oxfam Mark Gkolntringk pritet të shpjegojë skandalin para një komisioni parlamentar të martën në Londër ashtu si një oficer i një tjetër organizate humanitare i  përfshirë gjithashtu në skandalin e Save the Children.

Sipas raportit të brendshëm të vitit 2011, të cilin Oxfam e bëri publik dje në një version të censuruar pjesërisht, Roland van Chaouvermeiron, drejtori belg i OJQ-së për Haitin, kishte pranuar se  në vitin 2011 kishte marrëdhënie me prostituta në shtëpinë e tij, qeraja e së cilës paguhej nga organizata.

OJQ-ja atëherë kishte zgjedhur për t'i ofruar atij një "largim dinjitoz me kusht që ai të bashkëpunonte plotësisht në kryerjen e pjesës tjetër të hulumtimit".

Hetimi i brendshëm i 2011 kishte ardhur në përfundimin se "asnjë nga akuzat origjinale të mashtrimit, nepotizmit, shfrytëzimit të prostitutave të mitura nuk mund të verifikohej nga hetimi", por as "të përjashtohej".

"Ne kemi ardhur këtu (për të shprehur turpin tonë dhe për t'i kërkuar falje  qeverisë së Haitit dhe popullit të saj për atë që ndodhi", tha Simon Taischerst, drejtor rajonal i Oxfam për Amerikën Latine dhe Karaibet në Port-au-Prince) .

"Ne kemi ndërmarrë shumë hapa për të përmirësuar mekanizmin e brendshëm parandalues, për të shmangur incidente të tilla në të ardhmen"- tha ai.
Prostitucioni në Haiti është i paligjshëm. Pas skandalit të Oxfam, qeveria kishte filluar kërkime mbi funksionimin e të gjitha organizatave joqeveritare.  Javën e kaluar presidenti i Haitit, Zovenel Moisiu ishte ankuar se skandali seksual që përfshiu punëtorët e Oxfam-it ishte vetëm "maja e ajsbergut" dhe kërkoi të kryhen hetime për Médecins sans Frontières dhe organizata të tjera humanitare që shkuan në Haiti pas tërmetit.