Disa nga bankat më të mëdha në botë, projekt të përbashkët për monedhën virtuale

Disa nga bankat më të mëdha në botë kanë hedhur së fundmi një hap më tej në zgjerimin e monedhave virtuale dhe sistemit që mbështet dhe verifikon ato. Përmes një marrëveshjeje banka të tilla si Barclays, CIBC, Credit Suisse, HSBC, MUFG, State Street, bashkë me UBS, BNY Mellon, Deutsche Bank, Santander, NEX dhe Clearmatics një kompani që kryen verifikimin(blockchain) kanë rënë dakord të kryejnë testimin e një transaksioni që do të evidentojë përparësitë dhe mangësitë, përpara se platform të bëhet aktive. Synimi i këtyre bankave është krijimi i një modeli që në të ardhmen do të adoptohet edhe nga bankat qendrore, të cilat do të emetojnë kriptomonedhat e tyre. 

Aktualisht në treg ka disa monedha virtuale dhe sisteme verifikimi të tyre, tërësisht elektronike dhe pa nevojën e një emetuesi qendror. Bitcoin është më i vlerësuari me kapitalin qarkullues 41 miliardë dollarë, por thuajse të gjitha monedhat virtuale kanë njohur rritje të vlerës së tyre. Në Shqipëri Banka e Shqipërisë dhe tutorët e saj privatë mbajnë qëndrim armiqësor ndaj monedhave virtuale. 

http://www.businessinsider.com/hsbc-and-barclays-join-project-to-build-c...