Magjia e përjetshme e Piramidave

Piramidat e Egjiptit kanë mahnitur çdo njeri që i ka parë njëherë të vetme. Varre masive guri në shkretëtirën pranë Nilit. Gjeografi njerëzore në një det të paanë rëre. Sot hyrja në to është shumë strikte dhe ngjitja në murin anësor nuk lejohet. Ishte lajm vitin e shkuar arrestimi i një të riu turk që hipi në majë të piramidës së Keopsit dhe bëri një foto. Por nuk ka qenë përherë kështu. Këto foto të vjetra nga periudha e prezencës britanike tregojnë se magjepsja ka qenë përherë e njëjta.