Linja Francë-Iran, debate për veshjen e stafit të kompanisë “Air France”. Teherani kërkon shami për femrat

Me pantallona, xhaketë të gjatë deri në gjunjtë dhe shami. Irani bëhet sërish lajm me kërkesat për sjelljen e femrave dhe veshjen e tyre. Kësaj radhe kërkesa i shkon “Air France” dhe pikërisht për stafin e kompanisë, përfshirë stjuardesat. Në këtë çështje kanë lindur polemika, pasi stafi nuk ka ndërmend që të veshë një uniformë të imponuar nga Irani, me të cilin Franca rivendos lidhjen ajrore civile pas 8 muajsh. "Nuk duam polemika, nuk na takon ne të japim një gjykim mbi shaminë në Iran. Ajo që denoncojmë është detyrimi”, ka deklaruar sekretari i sindikatës Francois Redolfi në “FranceTv”, raporton “Ansa”. Kompania ka deklaruar se do të kërkojë kompensim, po debati është gati absurd. Aq sa na kujton atë që ndodhi në Itali me vizitën e fundit të presidnetit iranian, ku me këtë rast statujave antike me të cilat krenohet Italia dhe për të cilat na thuhet se janë simbole të një qytetërimi prej nga zë fill qytetërimi perëndimor, u ishte hedhur një batanije a mbulesë sipër.