Punonjësit e shëndetësisë pa paga për dhjetorin, paralajmërojnë grevë

Punonjësit e sistemit shëndetësor kanë paralajmëruar nisjen e një greve një-orëshe ditën e martë të javës së ardhshme, pasi nuk kanë marrë ende pagat e dhjetorit. 
Sindikata paralajmëroi sot përshkallëzim të grevës në ditët në vijim nëse qeveria nuk merr masa të menjëhershme për zgjidhjen e këtij problemi.

“I bëjmë thirrje publike qeverisë, kryeministrit dhe ministrit të Shëndetësisë për të siguruar në mënyrë urgjente dhënien e pagave për punonjësit e shëndetësisë të të gjitha spitaleve. Kryesia e Sindikatës vendosi që nëse deri ditën e hënë nuk jepen pagat, atëherë do të përshkallëzojmë lëvizjen sindikaliste në bazë të ligjit.”- bëri të ditur Sindikata.

Ballkanweb.com