Rruga e Kombit, 5 kompani në garë për mirëmbajtjen

Pesë kompani kanë dhënë ofertat e tyre për të fituar të drejtën e marrëveshjes koncesionare për mirëmbajtjen e rrugës së kombit. 
Dorëzimi i ofertave, sipas kushteve ligjore, u bë gjatë së hënës në ministrinë e Transporteve, ku dhe komisioni i Vlerësimit të Ofertave bëri regjistrimin dhe marrjen e tyre në dorëzim. Kompania koncesionare, që do të shpallet fituese pas pak ditësh, duhet të marrë përsipër dhe të kryejë disa funksione, si operimin dhe mirëmbajtjen e autostradës, operimin dhe mirëmbajtjen e tunelit, mbledhjen e të ardhurave nga tarifat e përdormit të rrugës si dhe punimet shtesë për stabilizimin e skarpatave përgjatë rrugës. 

Zëvëndës ministri i Transporteve tha se komisioni i Vlerësimit do të përfundojë vlerësimin e ofertave të paraqitura brenda datës 23 mars. Koncesionari fitues do të ndërtojë rrethim të autostradës, si dhe do të vendosë ndriçim në të gjitha kryqëzimet. 

Albanian   Screen