Arrestohet kryedoganieri i Kapshticës dhe një tregtar

Policia ka arrestuar shefin e zyrës operacionale të doganës së Kapshticës Algert Lami, 33 vjeç, i cili akuzohet për korrupsion pasiv.

Burime nga policia bëjnë me dije se gjithashtu në prangat e policisë ka rënë edhe tregtari Krenar Halimllari 38 vjeç, i cili akuzohet për kontrabandë mallrash.

Sipas policisë, gjithashtu janë proceduar në gjendje të lirë edhe dy doganieret e turnit shtetasit me iniciale L.K dhe V.T.

Doganierët akuzohen për falsifikim të dokumenteve dhe shpërdorim detyre, duke favorizuar kundrejt ryshfetit tregtarin nga Elbasani për të shmangur detyrimin doganor.

Shekulli